हजारो युवा क्रिकेट शौकीनांची उत्कंठा लाऊन धरलेल्या हाफ पिच क्रिकेट स्पर्धेचे विजेतेपद एस आर एस हिंदुस्तान स्पोर्ट्सने पटकावलं आहे.तब्बल 23 धावांच्या फरकांनी रॉयल स्पोर्ट्स काकती या संघाचा पराभव केला.रविवारी रात्री 12 वाजेपर्यंत चाललेल्या या अंतिम सामन्यास दहा हजारहून अधिक प्रेक्षकांनी तोबा गर्दी केली होती .
प्रथम फलंदाजी करताना एस आर एस हिंदुस्तान संघाने निर्धारित सहा षटकात 67 धावा करून 68 धावांच लक्ष्य दिल होत पण रॉयल स्पोर्ट्स हा संघ केवळ 44 धावाच करू शकला त्यामुळे हा सामना एस आर एस हिंदुस्तान संघाने 23 रन्सनी जिंकला.सामनावीर म्हणून समीर नाकाडी तर मालिकवीर प्रसाद नाकाडी यांची निवड करण्यात आली.
विजेत्या संघास 1,21,111व चषक तर उपविजेत्या संघास 61,111व चषक प्रदान करण्यात आला.या स्पर्धे मध्ये सांगली,कोल्हापुर,रायबाग,गोवा,मुंबई,चिकोडी,एकसंबा, बेळगाव येथून संघ दाखल झाले होते एकूण 55 ते60 संघांनी भाग घेतला होता. अंतिम सामन्यात प्रमुख पाहुणे म्हणून श्रीराम सेना हिंदुस्थानचे अध्यक्ष रमाकांत कोंडुस्कर पालकमंत्री सतीश जारकीहोळी, खासदार सुरेश अंगडी,श्रीकांत देसाई,जयराज हलगेकर ग्रामीण आमदार लक्ष्मी हेब्बाळकर,अमर अकनोजी,अभिजित जवळकर,राजू पवार,रोहित देसाई,निखिल पाटील,गजानन होसुरकर,विजय पाटील,बाळू कुऱ्याळकर,जोतिबा लाटूकर व इतर मान्यवर उपस्थित होते.
एस आर एस स्पोर्ट्सच्या वतीनं आयोजित अनगोळ येथील हॉफ पिच स्पर्धा लोकप्रिय ठरली होती .आंतर राष्ट्रीय स्पर्धे प्रमाणे तयार केलेलं या मैदानास प्रेक्षका कडून बेळगाव च वानखेडे असा उल्लेख केला जात होता. फ्लड लाईट, सी सी टी व्ही बिग स्क्रीन, रिप्ले तिसरा अंपायर, आय पी एल म्युजीक, आधुनिक स्ट्म्प, प्रेक्षक गॅलरी आणि रंगारंग या गोष्टी वेधून घेतल्या होत्या.स्थानिक वाहिन्यांनी या स्पर्धेचे थेट प्रक्षेपण केले होते.
