गेल्या कित्येक वर्षापासून प्रलंबित असलेल्या आणि सीमा भागातल्या शेतकऱ्यांना गरजेचं असलेल्या मार्कंडेय साखर फॅक्टरीला अखेर मुहूर्त मिळाला आहे. उद्या शुक्रवारी काकती येथील मार्कंडेय शुगर फॅक्टरी मध्ये बॉयलर प्रतिपादन करण्यात येणार आहे त्यानिमित्ताने पूजा होणार आहे सकाळी आठ वाजता ते अकराच्या दरम्यान या पूजेचे आयोजन करण्यात आलेले आहे.
11 ते 20 फेब्रुवारी दरम्यान कारखान्याला अधिकृत सुरुवात होणार असल्याची माहिती मिळाली आहे अंदाजे फेब्रुवारीच्या दुसऱ्या आठवड्यात होणाऱ्या उदघाटन कार्यक्रमास मुख्यमंत्री एच डी कुमारस्वामी माजी पंतप्रधान देवेगौडा आणि राष्ट्रवादी काँग्रेसचे अध्यक्ष माजी केंद्रीय मंत्री शरद पवार वनमंत्री सतीश जारकीहोळी असे दिग्गज नेते उपस्थित राहण्याची शक्यता आहे.या कार्यक्रमाला आजी माजी खासदार आमदार इतर नेते या भागधारकांना विश्वासात घेऊन मुख्य कार्यक्रम आयोजित केला जाणार आहे.
वरील सर्व राष्ट्रीय नेत्यांची वेळ पाहून उदघाटन कार्यक्रम ठरवण्यात येणार आहे. गेल्या कित्येक वर्षापासून मार्कंडेय साखर कारखाना उद उदघाटनाच्या प्रतिक्षेत होता या ना त्या कारणाने दिरंगाई होत होती अखेर याला ‘फेब्रुवारी 2019’महिन्याचा मुहूर्त मिळाला आहे आणि त्याची उद्या शुक्रवारी बॉयलर प्रतिपादनाने याची सुरुवात होईल.