Monday, May 20, 2024

/

अधिवेशनाचे विशेषाधिकार आयएएस घोष

 belgaum

बेळगावमध्ये होऊ घातलेल्या दहा दिवसीय हिवाळी अधिवेशनाचे विशेष अधिकारी म्हणून आयएएस अधिकारी उज्वल कुमार घोष यांची नियुक्ती करण्यात आली आहे. सर्व खर्च आणि महत्वाच्या कामाची जबाबदारी त्यांच्यावर असणार आहे.
सभाध्यक्ष के आर रमेशकुमार आणि राज्य मुख्य सचिव टी एम विजयभास्कर यांनी ही नियुक्ती केलेली आहे. ते सध्या भूसंपादन, पुनर्वसन या अप्पर कृष्णा प्रोजेक्ट च्या विभागाचे आयुक्त आहेत. बेळगावचे जिल्हाधिकारी आणि प्रादेशिक आयुक्त यांच्याशी बोलणी करून योग्य ती नियोजनाची कामे त्यांच्यावर सोपवण्यात आलेत. प्रामुख्याने खर्चावर नियंत्रण ठेवण्याचे काम त्यांच्यावर आहे.

UJJWAL-KUMAR-GHOSH-IAS-1
बेळगावच्या अधिवेशनाचा खर्च दरवर्षी वाढत चालला आहे. मागील वर्षी १० दिवसाच्या अधिवेशनाचा खर्च ३१ कोटी झाला आहे. २०१६ मध्ये १८.७५ कोटी खर्च आला आहे. २०१५ मध्ये हाच खर्च ८.२ कोटी इतका आला होता.
अवाजवी खर्च टाळण्यासाठी हे विशेष अधिकारी नेमले आहेत अशी माहिती मिळाली आहे. ४००० पोलीस, आमदार, मंत्री, सचिव आणि इतरांवर होणाऱ्या खर्चावर मर्यादा घालण्याची सूचना त्यांना करण्यात आली आहे.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.