बेळगावचे खासदार सुरेश अंगडी यांना श्रेय घेण्याबद्दल जास्त घाई लागली आहे. उडाण योजनेत सांबरा विमानतळ समाविष्ट झाले अशी माहिती खासदार यांनी पत्रकार परिषद घेऊन जाहीर केली. पण अजून ही यादीच जाहीर झाली नाही म्हणून खासदार साहेब जरा धीर धरा असे सांगावे लागते.
खासदार अंगडी हे सांबरा विमानतळ उडाण च्या दुसऱ्या यादीत घालण्यात कमी पडले. त्यांच्यापेक्षा हुबळीचे खासदार प्रल्हाद जोशी यांनी आपले वजन वापरले आणि काहीच सोयी नसलेल्या हुबळी विमानतळाचा समावेश उडाण मध्ये झाला. तेंव्हापासून खासदार यांची छी थु सुरू आहे.
सिटिझन कोन्सिल व चेंबर ऑफ कॉमर्स, सेव्ह IXG अभियान सारख्या लोकांनी भरपूर प्रयत्न केले आहेत. पण आता अजून यादी जाहीर झाली नसताना सगळे श्रेय खासदार घेण्याचा प्रयत्न करत असून ही निवडणुकीची तयारी आहे अशी चर्चा सूरु झाली आहे. तुमच्या सोबत बेेळगावचे तुमच्या पक्षाचे राज्यसभा सभा सदस्य,चिकोडी काँग्रेस खासदार यांनी देखील पुढाकार घेतला होता तुम्ही गेली पंधरा वर्षे बेळगावची सेवा केलेली जनतेला माहीत आहे अशीही चर्चा या निमित्ताने सुरू झाली आहे .
