काल मार्केट पोलीस स्थानकाजवळून अपहरण करण्यात आलेले ते बालक रात्री उशिरा सापडले आहे. अनगोळ भागात अपहरण करणाऱ्या व्यक्तीला ताब्यात घेऊन मार्केट पोलिसांनी आठ तासांच्या आत त्या बालकाची सुटका केली आहे.
नानाप्पा इराप्पा नाईक (वय ५) रा. उळागड्डी खानापूर ता. हुक्केरी असे त्या बालकाचे नाव असून त्याचे काळ पै हॉटेल जवळून अपहरण झाले होते. मोटारसायकल वरून त्याला घेऊन जाणार अपहरण कर्ता सीसीटीव्ही कॅमेऱ्यात कैद झाला होता.
यावरून माग काढून पोलिसांनी त्याला ताब्यात घेतले आहे.भाजी विक्री करणाऱ्या आपल्या आई सोबत तो बेळगावला आला होता. या घटनेनंतर पालकांनी आपल्या मुलांकडे लक्ष देण्याची गरज निर्माण झाली आहे.
पोलिसांनी बसवलेल्या कॅमेऱ्यात हे बालक अपहरण होताना कैद झालं होतं त्यामुळं या सी सी टीव्ही फुटेज मुळे ती दुचाकी आणि बालकाचा शोध लावण्यात पोलिसांना यश मिळालं आहे.