कर्नाटकात निवडणुकीत जाती पातीचे राजकारण फार चालते, राष्ट्रीय पक्षात ही परिस्थिती फार आहे, या जातीच्या राजकारणाचा फटका बेळगाव ग्रामीण मतदारसंघात काँग्रेस पक्षाला बसत आहे, या भागात मराठी मतदार जास्त आहेत, तर काँग्रेस पक्षाने मागील विधानसभा निवडणुकीपासून लिंगायत महिला उमेदवारास पुढे केले आहे, यामुळे काँग्रेस मधील मराठी कार्यकर्ते नाराज होत आहेत.
काँग्रेसने या विधानसभेत मराठा समाजातील उमेदवारास उमेदवारी द्यावी अशी मागणी जास्त आहे. मराठा आणि मराठी कार्ड वापरून उमेदवारी देण्यात आल्यास ठीक नाहीतर आम्ही म ए समितीच्या मागे जाणार असा इशारा देण्यात आला आहे, याची जोरात चर्चा आहे.
या मागणीमुळे त्या महिला उमेदवाराची गोची झाली आहे. मागील ५ वर्षात या महिलेने घरोघरी साड्या आणि गावोगावी पैसे वाटले आहेत, पण कन्नड भाषा बोलत असल्याने या महिलेचा प्रभाव पडत नाही अशी त्याच पक्षातल्या कार्यकर्त्यांची तक्रार आहे, पैसे आणि साड्या वाटण्यात काय मोठे आहे, आम्हाला मराठी बोलणारा मराठी भाषिक आणि मराठा उमेदवारच पाहिजे अशी मागणी वाढत आहे.
असे झाले तर एवढे दिवस वाटलेल्या पैशाचे काय होणार? आणि या बाईला निवडून देण्यासाठी देव पाण्यात घातलेले कुठे जाणार, हे ही चर्चेत आहे.
