Wednesday, April 17, 2024

/

बेळगावात बनणाऱ्या तिळगुळ दागिन्यांना विदेशात वाढतेय मागणी

 belgaum

मकर संक्रांतीपासून रथ सप्तमी या कालावधीत लहान मुलांना बोरन्हाण घालण्याची आणि तिळगुळाचे दागिने घालण्याची प्रथा आहे.नवविवाहित दाम्पत्यांनाही तिळगुळाचे दागिने पहिल्या संक्रांतीला घालतात.हे तिळगुळाचे दागिने तयार करणे मोठे कौशल्याचे असते.पण बेळगावातील प्राजक्ता बेडेकर यांचा तिळगुळाचे दागिने तयार करण्यात हातखंडा तर आहेच शिवाय केवळ देशातूनच नव्हे तर परदेशातून देखील त्यांना संक्रांतीसाठी दागिन्यांची ऑर्डर त्यांना मिळत आहे.

TILgulयावर्षी दुबई,कुवेत,मस्कत,कतार, कॅनडा आणि अमेरिकेतूनही तिळगुळाच्या दागिन्यांच्या ऑर्डर आलेत.
लहान मुलांच्यासाठी राधाकृष्णाचा तिळगुळाच्या दागिन्यांचा सेट  आहे.राधाच्या सेटमध्ये बांगड्या,नेकलेस,किरीट,बाजूबंद,कंबरपट्टा आणि पैंजण आहे.कृष्णाच्या सेटमध्ये किरीट,कंबरपट्टा,,बाजूबंद,हार,बासरी आणि मनगट्या यांचा समावेश आहे.नवदाम्पत्याच्या दागिन्यांच्या सेटमध्ये मोठा हार,ब्रेसलेट,,कडे,बिंदी, मोहनमाळ,मंगळसूत्र,अंगठी,जोडवी,पैंजण,नथ, बांगड्या,छल्ला आहेत.

तिळगुळाच्या दागिन्यांची ऑर्डर एक महिना अगोदरपासून त्या घेतात.स्वतःच्या मुलीसाठी म्हणून त्यांनी दागिने तयार केले.ते दागिने पाहून त्यांच्या मैत्रीणिनी ,नातेवाईकांनी त्यांना तिळगुळाचे दागिने तयार करून देण्याचा आग्रह केला.दागिने करता करता त्या नवनवीन दागिने तयार करत असल्यामुळे दरवर्षी त्यांचे तिळगुळाचे दागिने नाविन्यपूर्ण बनत आहेत.

 belgaum

बातमी सौजन्य-विलास अध्यापक ए बी पी माझा बेळगाव

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.