मराठा लाईट इन्फंट्री रेजिमेंटल सेंटरमध्ये गोकुळ अष्टमीनिमित्त दही हंडी स्पर्धेचे आयोजन करण्यात आले होते . शिवाजी स्टेडियमवर आयोजित दही हंडी कार्यक्रमाच्यावेळी जवानांनी लेझीम आणि मल्लखांबाची प्रात्यक्षिके सादर करून उपस्थितांची मने जिंकली
प्रारंभी मराठा सेंटरचे ब्रिगेडियर गोविंद कलवड यांच्या हस्ते दही हंडीचे पूजन करण्यात आले . त्यानंतर लेझीमची प्रात्यक्षिके जवानांनी सादर केली . लेझीम नंतर मल्लखांबाची प्रात्यक्षिके जवानांनी सादर करून आपल्या कौशल्याचे दर्शन घडवले .
दही हंडी स्पर्धेत ट्रेनिंग ,रेकॉर्ड आणि ऍडम बटालियन या तीन संघानी भाग घेतला होता . पहिल्या फेरीत तिन्ही संघानी आपली ताकद अजमावून उंचीचा अंदाज घेतला . शेवटी ट्रेनिंग संघाच्या गोविंदा पथकाने दहीहंडी फोडली . दही हंडी फोडल्यावर ट्रेनिंग बटालियनच्या जवान अधिकाऱ्यांनी एकच जल्लोष केला .
दही हंडी स्पर्धा पाहण्यासाठी लष्करी अधिकारी ,शहरातील मान्यवर निमंत्रित ,जवान आणि त्यांचे कुटुंबीय मोठ्या संख्येने उपस्थित होते .
व्हिडियो पहाण्यासाठी खालील लिंक क्लिक करा
