रशीद एप्रिलमध्ये आला होता बेळगावातडी गँगचा महत्वाचा सदस्य, दाऊदचा मुख्य साथीदार छोटा शकिलचा प्रमुख हस्तक आणि अंडरवर्ल्ड मधील अनेक गुन्ह्यातील मुख्य सहभाग असलेला रशीद मलबारी एप्रिल महिन्यात बेळगावात आला होता आणि त्याने एकाचे अपहरण करून कोट्यवधींची खडणीही उकळली होती! विश्वास बसत नाही ना? मात्र हे खरे आहे, रेडकर खून प्रकरणाचा तपास करताना ही धक्कादायक माहिती उघड झाली, बेळगाव live च्या सूत्रांनी ती उघड केली आहे.
सध्या अंडरवर्ल्ड ची सारी भिस्त खंडण्या आणि अपहरणावर आहे, रशीद मलबारी या गुन्ह्यांची सूत्रे सांभाळू लागलाय, यामुळे त्याच्या पर्यंत पोचण्याची धडपड पोलिसांनी सुरू केलीय, याचाच एक भाग म्हणून ही अटक आणि खुनाचे प्रकरण उघडकीस आलंय.
रशीद बेळगावात एका हस्तकाच्याच निवासस्थानी वास्तव्याला होता, त्याने हनुमान नगर येथील एका मुस्लिम उद्योजकाला उचलले होते, त्याला एका अज्ञात ठिकाणी नेऊन त्याने २ कोटींची मागणी केली होती, तो उद्योजक सुस्थितीत आढळलाय यामुळे त्याने रशिदची मागणी पूर्ण केल्याचा अंदाज आहे.
रशीदने बेळगावातील स्थानिक तरुणांचा वापर करून आपले जाळे पसरले होते. शहरातील बडे उद्योजक, काही सोसायटींचे प्रमुख, व्यापारी आणि बिल्डरांची मोठी यादी बनवली होती, त्याचे काम जोरात सुरू होते आणि त्याचा छडा लावण्यात यश आले असले तरी रशीद आणि त्याचे बरेच साथी बाहेर असल्याने धोका कायम आहे, अशी माहिती उघड होतेय,
रशीदच्या या काळ्या कामात काही राजकीय मंडळींचाही हात असून त्यांचा शोध पोलीस घेताहेत.
