अग्निशामक दल कार्यालया समोरील नाल्याचे बांधकामाच उदघाटन सोमवारी महापौर संज्योत बांदेकर आणि आमदार संभाजी पाटील यांनी केलं. पालिकेने या कामासाठी तब्बल 1 कोटी 20 लाख रुपये मंजूर केले आहेत. 350 फूट मोठा नाला त्याच्यावर 3 सी डी वर्क करण्यात येणार आहे. माजी महापौर आणि प्रभाग 19 चे नगरसेवक महेश नाईक यांच्या प्रभागात हे काम सुरू आहे.
हा नाला अरुंद असल्याने यातील पावसाचे पाण्याचा विसर्ग व्यवस्थित होत नसतो त्यामुळे पावसात शास्त्री नगर भागात पूर सदृश्य स्थिती निर्माण होऊन लोकांचं नुकसान होत असत या कामामुळे शास्त्रीनगर इंद्रप्रस्थ नगर भागात पाणी घुसणार नाही.14 व्या वित्त आयोगातून 1 कोटी 20 लाख मंजूर झाल्याची माहिती नगरसेवक महेश नाईक यांनी दिली आहे. यावेळी नगरसेवक संजय शिंदे, विजय भोसले पालिका अभियंता लक्ष्मी निप्पणीकर, अग्निशामक दलाचे कर्मचारी, या भागातील नागरिक उपस्थित होते
