पोलिस दलाची ऑर्डर किंवा कमांड इंग्लिश मध्ये दिली जातेय हे आपण पाहिलंय मात्र कर्नाटकात प्रथमच पोलीस दलातील कमांड हे प्रादेशिक भाषेत दिल जाणार आहे. राज्य पोलीस महासंचालक रुपकुमार दत्ता हे शनिवार पासून दोन दिवसांच्या बेळगाव दौऱ्यावर आले आहेत यावेळी पोलीस दलाच्या वतीनं त्यांचं स्वागत करण्यात आलं . पत्रकारांशी बोलताना दत्ता यांनी बेळगाव पोलिसांची कन्नड भाषेतील कमांड उत्तम चालली असून लवकरच संपूर्ण राज्यभरात कन्नड भाषेत कमांड देण्याचा विस्तार राज्यभर केला जाईल अशी माहिती दिली.
राज्यात पोलीस कॉन्स्टेबल संख्या जास्त असून पोलिसांना त्या त्या एरिया चे इंचार्ज बनवून नवीन बिट सिस्टम अमलात आणण्याचा विचार असून बिट वर असलेल्या सर्व पोलिसांना मोबाईल फोन देण्याचा प्रस्ताव गृह मंत्र्यांकडे पाठविण्यात आला आहे असे म्हणाले
बेळगाव पोलीस आयुक्त कार्यालय इमारत बांधण्यासाठी 13 कोटी 55 लाख अनुदानाचा प्रस्ताव राज्य सरकार ने मंजुर केला असुन जागा देखील निश्चित करण्यात आली आहे तर सर्व जिल्ह्यातील पोलीस क्वाटर्स दुरुस्त करण्यासाठी 65 कोटी निधी लवकरच जिल्ह्यातून वाटला जाईल असही दत्ता म्हणाले .दत्ता दोन दिवस आयजी रेंज आणि आयुक्त कार्यालयातील अधिकाऱ्यांच्या बैठका घेणार आहेत
