बेळगाव लाईव्ह :केंद्रीय अर्थमंत्री निर्मला सीतारामन यांनी आज जाहीर केलेला देशाचा आर्थिक सर्वेक्षणाचा अहवाल सर्व समावेशक असून तो आगामी केंद्रीय अर्थसंकल्पात गरीब जनता, महिला, तरुण आणि शेतकरी यांना केंद्रस्थानी ठेवणारा असल्याची प्रतिक्रिया शहरातील सुप्रसिद्ध डॉक्टर व भाजप नेत्या डॉ. सोनाली सरनोबत यांनी व्यक्त केली.
केंद्रीय अर्थमंत्री निर्मला सीतारामन यांनी आज अर्थसंकल्पीय प्राधान्यक्रम जाहीर केले असून कृषी क्षेत्रातील उत्पादकता रोजगार आणि कौशल्य विकास सर्वसमावेशक प्राधान्य आणि सामाजिक न्याय उत्पादन आणि सेवा शहर विकास, नागरी विकास ऊर्जा सुरक्षा पायाभूत सुविधा नवोपक्रम आणि संशोधन पुढच्या पिढीतील सुधारणा, असे ते प्राधान्यक्रम आहेत.
हा आर्थिक सर्वेक्षणाचा अहवाल सर्वसमावेशक असल्यामुळे अर्थमंत्री निर्मला सीतारामनजी यांचे अभिनंदन. या अहवालावरून आगामी केंद्रीय अर्थसंकल्पात सरकारने गरीब जनता, महिला, तरुण आणि शेतकरी यांना केंद्रस्थानी ठेवले असल्याचे स्पष्ट होते, असे मत डॉ. सोनाली सरनोबत यांनी व्यक्त केले.
