बेळगाव लाईव्ह :रोटरी क्लब ऑफ बेळगावतर्फे आपल्या व्यवसायातून समाजासाठी समर्पित सेवा करणारे दीपक जाधव तसेच श्रीमती अनिता दाभोळकर व उमेश दाभोळकर यांचा व्यावसायिक सेवा पुरस्कार देऊन नुकताच सत्कार करण्यात आला.
रोटरी क्लब ऑफ बेळगावतर्फे दरवर्षी आपल्या व्यवसायातून समाजासाठी समर्पित सेवा करणाऱ्या व्यक्तींचा सन्मान करून त्यांना प्रोत्साहित केले जाते.
त्यानुसार यावेळी दोन व्यावसायिक सेवा पुरस्कार प्रदान करण्यात आले. क्लबचे अध्यक्ष जयदीप सिद्दन्नावर यांच्या अध्यक्षतेखाली झालेल्या या समारंभास प्रमुख पाहुणे म्हणून रोटरी जिल्हा प्रांतपाल शरद पै उपस्थित होते.
प्रारंभी रोटरी क्लबचे व्यावसायिक सेवा संचालक ॲड. सचिन बिच्चू यांनी सर्वांचे स्वागत करून पुरस्कार विजेत्यांचा परिचय करून दिला. त्यानंतर प्रमुख पाहुण्यांच्या हस्ते दीपक जाधव, श्रीमती अनिता दाभोळकर व उमेश दाभोळकर यांचा व्यावसायिक सेवा पुरस्कार देऊन सत्कार करण्यात आला.
सत्कारमूर्तींपैकी पंक्चर आणि सायकल दुरुस्तीचे दुकान चालवणारे महाद्वार रोड येथील दीपक जाधव यांचा त्यांच्या व्यवसायाशी असलेल्या बांधिलकीमुळे सत्कार करण्यात आला. ते रात्री उशिरापर्यंत कोणत्याही वेळी अतिरिक्त पैसे न घेता त्याची सेवा प्रदान करतो. विविध संस्थांच्या माध्यमातून सामाजिक उपक्रमातही त्यांचा सहभाग असतो. यावेळी श्रीमती अनिता दाभोलकर व उमेश दाभोलकर यांचाही सत्कार करण्यात आला.
ते 2002 पासून आरआर फूड्स नावाने केटरिंग सेवा चालवत आहेत. त्यांच्या व्यवसायाप्रती त्यांचे समर्पण आणि बांधिलकी उच्च दर्जाची आहे असून ते शहरातील अनेकांच्या गरजा पूर्ण करतात.
आपल्या सत्काराबद्दल उमेश दाभोळकर यांनी रोटरी क्लब ऑफ बेळगावचे आभार मानले. समारंभास रोटरी क्लब बेळगावचे अन्य पदाधिकारी सदस्य आणि निमंत्रित उपस्थित होते. शेवटी क्लबचे सचिव मनोज मिशेल यांनी आभार मानले.
