बेळगाव लाईव्ह :खास शिवजयंती निमित्त मध्यवर्तीय सार्वजनिक श्री शिवजयंती उत्सव मंडळ शहापूर यांच्यातर्फे आयोजित शहापूर मर्यादित करेला टॉप टेन स्पर्धा -2024 चे विजेतेपद कोरे गल्लीच्या गजानन गावडोजी यांनी पटकाविले.
दरवर्षीप्रमाणे शिवजयंती निमित्त मध्यवर्तीय सार्वजनिक श्री शिवजयंती उत्सव मंडळ शहापूर, बेळगाव यांच्यातर्फे आयोजित करेला टॉप टेन स्पर्धा -2024 नुकतीच क्रीडाप्रेमींच्या उस्फुर्त प्रतिसादात यशस्वीरीत्या पार पडली.
या स्पर्धेत एकूण 13 स्पर्धकांनी भाग घेतला होता. त्यापैकी कोरे गल्ली येथील गजानन गावडोजी यांनी 3 मिनिटांमध्ये 158 करेला फिरवून प्रथम क्रमांक पटकावला. विजेत्या गावडोजी यांना मंडळाचे पंच श्रीकांत मुतकेकर प्रशांत सुगंधी प्रसाद मयेकर सागर संपकाळ यांच्या हस्ते पारितोषिकासह प्रशस्तीपत्र देऊन गौरविण्यात आले.
सदर करेला स्पर्धेतील पहिल्या 10 क्रमांकाचे विजेते स्पर्धक अनुक्रमे गजानन गावडोजी, गणेश जांगळे, गौतम जांगळे, विनायक चौगुले, नागेश गावडोजी, संजय गावडोजी, अंकुश मजूकर, श्रीनाथ पवार, सैरव साळुंखे व उमेश शिंदोळकर असे आहेत.
स्पर्धेसाठी परीक्षक म्हणून गंगाधर एम., हेमंत हावळ, अनिल अंबरोळे व डॉ अमित जडे यांनी काम पाहिले.
