बेळगाव लाईव्ह: बेळगाव शहराच्या पश्चिम भागातील शाळकरी मुलांना घेऊन जाणारी अंगडी इंस्टीट्युटची स्कूल बस उलटली मात्र सुदैवाने कोणतीही मोठी हानी झाली नाही या अपघातात बसमधील दोन विद्यार्थी महिला जखमी तर अन्य किरकोळ जखमी झाले आहेत.
सांवगाव जवळ सावगाव बेनकनहळळी रोडवर ही घटना मंगळवारी सकाळी 8: 15 च्या सुमारास घडली आहे.
या अपघाता बद्दल समजलेल्या अधिक माहितीनुसार सांवगाव,मंडोळी,बेनकनहळळी गणेशपुर आदी भागातील विद्यार्थ्यांना घेऊन जाणाऱ्या बसला अपघात झाला आहे.
समोरून येत असलेल्या टेम्पोला चुकवताना चालकाचे बसवरील नियंत्रण सुटल्याने स्कूल बस रस्त्याशेजारी पलटी झाली त्यात बस मधील दोन विद्यार्थी एक महिला जखमी तर बहुतांश विद्यार्थी किरकोळ जखमी झाले आहेत सर्व विद्यार्थ्यांना उपचारासाठी इस्पितळात दाखल करण्यात आले असून सर्वजण सुखरूप आहेत. अपघात पाहण्यासाठी लोकांनी गर्दी केली होती.
शाळा प्रशासनाने देखील घटनास्थळी जाऊन बसचा अपघात कसा झाला याची पाहणी करत चौकशी केली.
एकूणच बेळगावात रस्त्यांची दुरवस्था झाल्याने असे लहान मोठे अपघात होत आहे प्रशासनाने पावसाळ्यात रस्त्यावर पडलेले खड्डे बुझवावेत आणि स्कूल बस चालकांनी वाहनावर नियंत्रण ठेऊन गाडी चालवावी अशी मागणी होत आहे.
स्कूल बस उलटली सुदैवाने मोठी हानी नाही सावगाव जवळील घटना pic.twitter.com/8cS5cqm3CP
— Belgaumlive (@belgaumlive) August 8, 2023
