भारतीय हवाई दलातर्फे येत्या गुरुवार दि. 13 फेब्रुवारी 2020 रोजी ‘एअरफॉर्स इंटर कमांड अल्ट्रा सायकलिंग स्पर्धा 2020 – 21’ चे आयोजन करण्यात आले आहे.
सांबरा येथील एअरमन ट्रेनिंग स्कूल बेळगाव येथे येत्या गुरुवारी होणाऱ्या या स्पर्धेत भारतीय हवाई दलाच्या 7 कमांडचे अर्थात विभागांचे प्रत्येकी 7 सदस्य या स्पर्धेत सहभागी होणार आहेत. या स्पर्धेअंतर्गत सायकलपटुंनी एका दिवसात एकूण 200 कि. मी. अंतर कापायचे आहे.
भारतीय हवाई दलातील साहसी जवानांची मानसिक व शारीरिक क्षमतेची चाचणी या स्पर्धेद्वारे घेतली जाणार आहे. या पद्धतीच्या स्पर्धांमधील सहभागामुळे हवाई योध्द्यांना आपल्या सहनशक्तीसह शारीरिक तंदुरुस्ती वाढविण्याची संधी मिळणार आहे. त्याचप्रमाणे आंतरराष्ट्रीय स्पर्धांमध्ये भाग घेता येणार आहे. वैयक्तिक आणि सांघिक अशा दोन गटांमध्ये सदर इंटर कमांड अल्ट्रा सायकलिंग स्पर्धा घेतली जाणार आहे.
