बेळगाव लाईव्ह: आरपीडी कॉलेज मार्ग बेळगाव येथील तिन्नीरी हॉटेलला स्विग्गी ने बेस्ट रेस्टॉरंट अवॉर्ड दिला आहे. साउथ इंडियन खाद्यपदार्थात उत्कृष्ट सेवा देणाऱ्या हॉटेल पैकी एक म्हणून तिन्नीरीची गणना फूड डिलिव्हरी क्षेत्रात कार्यरत स्विग्गि कंपनीने केली आहे.
बेळगाव येथील उद्योजक आणि सामाजिक कार्यकर्ते विजय पाटील, भगवान वाळवेकर आणि मैसूर येथील प्रसाद यांच्या संकल्पनेतून तिन्नीरीची स्थापना झाली. वेगवेगळ्या प्रकारचे पारंपारिक डोसे, इडली, चटणी आणि वैशिष्ट्यपूर्ण फ्लेवरचे शिरा खवय्यांना खायला घालत तिन्नीरीने आपली वेगळी ओळख निर्माण केली.
इडली फॅक्टरी च्या माध्यमातून इडली मोठ्या प्रमाणात बनवत त्या गल्लोगल्ली जाऊन विक्री करणाऱ्या कार्यकर्त्यांची निर्मिती तिन्नीरीने केली आणि त्यांना दिवसभर आपापले काम सांभाळून सकाळच्या वेळात घर खर्चासाठी वाढीव उत्पन्न कमावण्याची संधी दिली.
त्यांना इलेक्ट्रिक गाड्या पुरवल्या.
कोरोनाच्या काळात सर्व हॉटेल व्यवसाय ठप्प झालेला असताना इस्पितळामध्ये उपचार घेणाऱ्या रुग्णांना सकस आहार मिळावा म्हणून थेट हॉस्पिटलमध्ये फूड पॅकेट्स मोफत रित्या पुरवण्याची सेवा दिली. यामुळे तिन्नीरीचे नाव सर्वत्र घेतले जाते. आता स्विग्गी या कंपनीने तिन्नीरीचा हा विशेष गौरव केला असून सर्वत्र कौतुक होत आहे.