बेळगाव लाईव्ह : कोर्ट पार्किंग मध्ये अत्यवस्थ होऊन पडलेल्या एका वृद्धाला इस्पितळात उपचारासाठी दाखल करत सामाजिक बांधिलकी जपण्याचे काम वकील आणि यंग फाउंडेशन च्या कार्यकर्त्यांनी केले आहे.
बेळगावच्या न्यायालयाच्या पार्किंगमध्ये एक वृद्ध व्यक्ती मरणासन्न अवस्थेत पडलेला आढळला. त्या व्यक्तीला बोलता येत नव्हते, आणि त्याला स्ट्रोक झाल्यामुळे गंभीर स्थितीत होता. तो तिथे सोडून गेला होता, असे दिसत होते. परंतु, त्याला तिथे पाहून ‘यंग बेळगाव फाऊंडेशन’ आणि वकील यांनी त्वरित मदत केली आणि त्याला उपचारासाठी सिव्हिल हॉस्पिटलमध्ये पोचवले.
वकील रोहित कडगवी, जे ‘यंग बेळगाव फाऊंडेशन’चे सक्रिय सदस्य आहेत, त्यांना या वृद्ध व्यक्तीची स्थिती पाहून तत्काळ मदतीसाठी फाऊंडेशनच्या टीमला संपर्क केला. सामाजिक कार्यकर्ते अवधूत तुडवेकर यांनी त्वरित घटनास्थळी धाव घेतली बेळगाव वकील संघटनेचे उपाध्यक्ष वाय के दिवटे आणि अन्य वकिलांच्या मदतीने त्या वृद्धाला सिव्हिल हॉस्पिटलमध्ये उपचारासाठी आणले.
वृद्धाची स्थिती पाहून, तपासणी केल्यानंतर वृद्धाला स्ट्रोक झाल्याचे कळले आणि तातडीने उपचारांची आवश्यकता असल्याचे सांगितले. तसेच, या वृद्ध व्यक्तीकडे कोणत्याही ओळखपत्राचा अभाव होता, ज्यामुळे त्याच्या कुटुंबाच्या ओळखीचा प्रश्न उपस्थित झाला. काही वकीलांनी सांगितले की, ते त्याला न्यायालयाच्या परिसरात दोन पुरुषांसोबत पाहिले होते. यामुळे या वृद्धाला त्याच्या कुटुंबीयांनी सोडून दिले असावे असा संशय व्यक्त करण्यात आला.
यंग बेळगाव फाऊंडेशनने या वृद्ध व्यक्तीच्या उपचारांची व्यवस्था करण्यासाठी तातडीने प्रयत्न केले. ही घटना समाजाच्या दृष्टीने एक धडा असून ज्यामध्ये वृद्धांच्या संरक्षणाची आणि हक्कांची महत्वाची आवश्यकता अधोरेखित झाली आहे.
