बेळगाव लाईव्ह : दुचाकीवरील नियंत्रण सुटल्याने दुचाकी दुभाजकास आदळून झालेल्या अपघातात दुचाकी चालक युवक ठार तर मागे बसलेला युवक जखमी झाल्याची घटना बुधवारी दुपारी दोन वाजण्याच्या सुमारास घडली आहे.
जुने बेळगाव नाक्याजवळ बी एस येडीयुरप्पा मार्गावर झालेल्या अपघातात मयत झालेल्या युवकाचे नाव मंजुनाथ होसकोटी वय 25 रा. सुळेभावी असे आहे तर जखमी युवकाचे नाव निंगाप्पा होसमनी वय 25 रा. सुळेभावी असे असून त्याच्यावर जिल्हा रुग्णालयात उपचार सुरू आहेत.
या अपघाताबाबत समजलेल्या अधिक माहितीनुसार मयत मंजुनाथ यांचा हात माग व्यवसाय असून बाजारात साड्या देण्यासाठी ते सुळेभावी हून बेळगावला आले असता परत जातेवेळी जूने बेळगाव नाक्या जवळील पेट्रोल पंपाजवळ दुचाकी दुभाजकला आदळली त्यात मयत मंजुनाथ याच्या तोंडाला जबर मार लागला होता त्याचा घटनास्थळीच मृत्यू झाला तर निंगाप्पा जखमी झाला आहे.
जखमीवर जिल्हा रुग्णालयात उपचार सुरू आहेत. बेळगाव दक्षिण रहदारी पोलिसात अपघाताची नोंद झाली आहे.
