बेळगाव लाईव्ह :रामतीर्थनगर येथे एका इसमाचा खून झाल्याचे उघडकीस आले असून त्याचा खून त्याच्या पत्नीनेच केला असल्याचा कयास आहे.
खून झालेल्या इसमाचे नांव चिक्कोडी तालुक्यातील अमित रायबाग असे आहे. तो आपली पत्नी आणि अनुक्रमे 9 आणि 7 वर्षांच्या दोन मुलांसोबत राहत होता. या प्रकरणातील संशयित ही त्याचीच पत्नी असून तिला पोलिसांकडून ताब्यात घेण्यात आले असून पुढील तपास सुरू आहे.
बैलहोंगल तालुक्यात विहिरीत आढळला अज्ञात मृतदेह
बैलहोंगल (जि. बेळगाव) तालुक्यातील जालिकोप्प गावातील एका विहिरीत अज्ञात व्यक्तीचा मृतदेह आढळून आल्याने खळबळ उडाली आहे.
जालिकोप्प गावातील बोलशेट्टी यांच्या घरा लगतच्या विहिरीत एक अनोळखी मृतदेह आढळून आला आहे. मयताचे वय अंदाजे 35 ते 40 वर्षे यादरम्यान आहे. स्थानिकांनी दिलेल्या माहितीवरून पोलिसांनी घटनास्थळी धाव घेऊन पंचनामा केला. तसेच मृतदेह ताब्यात घेऊन तो शवविच्छेदनासाठी तालुका रुग्णालयात पाठवून दिला.
यावेळी घटनास्थळी बघ्यांची गर्दी झाली होती. सदर घटनेची बैलहोंगल पोलिसात नोंद झाली असून अधिक तपास सुरू आहे.
