बेळगाव लाईव्ह : बंगळुरू येथे मंत्री सतीश जारकीहोळी यांनी राज्य काँग्रेस प्रभारी रणदीप सुरजेवाला यांची भेट घेत, केपीसीसीला नव्या अध्यक्षाची नेमणूक तातडीने करावी अशी मागणी केली आहे. या भेटीत त्यांनी पक्ष संघटनेच्या वेगवान कार्यक्षमतेवर चर्चा केली.
काँग्रेस नेत्यांमध्ये अध्यक्षपदाच्या बदलाबाबत चर्चा रंगली आहे. मंत्री सतीश जारकीहोळी यांनी बुधवारी रात्री रणदीप सुरजेवाला यांची भेट घेतली. त्यांनी पक्षाच्या संघटनात्मक कार्यावर चर्चा करत केपीसीसीला नव्या अध्यक्षाची नेमणूक लवकरात लवकर करावी अशी मागणी केली.
जारकीहोळी म्हणाले, डी.के. शिवकुमार सध्या केपीसीसी अध्यक्ष आहेत. त्यांचे अध्यक्षपद कायम ठेवायचे की बदल करायचा, यावर पक्षाने स्पष्ट भूमिका घ्यावी. पक्ष संघटनेच्या मजबुतीसाठी पूर्णवेळ अध्यक्षाची गरज आहे. मतदारांमध्ये लोकप्रिय असलेल्या व प्रभावी नेतृत्व करणाऱ्या व्यक्तीची नेमणूक व्हावी.
त्यांनी पुढे सांगितले, मी स्वतः अध्यक्षपदाची मागणी केलेली नाही. मात्र, अध्यक्षपदासाठी गोंधळ दूर करावा अशी अपेक्षा आहे. हायकमांडने यावर अंतिम निर्णय घ्यावा. जारकीहोळी यांनी पक्ष संघटनेचा वेग कमी झाल्याचे निदर्शनास आणले. त्यांनी सांगितले की, 2023 च्या वेगाने कार्य करणारी संघटना सध्या कुंठित झाली आहे. एआयसीसीच्या सूचनांनुसार लोकसभा निवडणुकीनंतर अध्यक्षपद बदलण्यात येणार होते, मात्र सहा महिने उलटूनही निर्णय झाला नाही.
यावेळी दलित मंत्री व आमदारांच्या बैठकांबाबत त्यांनी स्पष्ट केले की, त्या बैठकीचे आयोजन व निर्णयप्रक्रिया अध्यक्षांनी केली होती. तसेच दिल्ली दौऱ्याबाबत बोलताना त्यांनी सांगितले की, आम्ही दिल्लीला इतर कारणांसाठी जात आहोत, याचा पक्षातील चर्चेशी काहीही संबंध नाही. जारकीहोळी यांनी जाणीवपूर्वक पक्ष संघटनेच्या मजबूत धोरणांची अंमलबजावणी करण्याचे आवाहन केले.
