बेळगाव लाईव्ह : बेळगाव तहसीलदार कार्यालयातील एसडीए कर्मचारी रुद्रेश यडवण्णावर यांच्या आत्महत्येप्रकरणी तपासाला गती आली असून मृत रुद्रेश यडवण्णावर यांचा मोबाईल पोलिसांनी जप्त केला आहे.
यासंदर्भात बोलाविण्यात आलेल्या पत्रकार परिषदेत माहिती देताना पोलीस आयुक्त याडा मार्टिन मारबानियांग म्हणाले, या प्रकरणातील फरार संशयित आरोपींवर गुन्हा दाखल करण्यात आला आहे.
मृत रुद्रेश यडवण्णावर यांच्या आत्महत्येची तपासणी सुरू आहे. मृत रुद्रेश यडवण्णावर यांचा मोबाईल जप्त करण्यात आला असून पुढील तपासासाठी एफ.एस.ए.ल. विभागाकडे पाठवण्यात आला आहे. आत्महत्येपूर्वी त्यांनी वॉट्सऍप ग्रूपमध्ये केलेली चर्चा आणि मेसेज तपासले जात आहेत.
संशयित फरार आरोपितांचा शोध सुरू असून त्यांच्यावतीने जामीनासाठी अर्ज देखील केला आहे, रुद्रेश यडवण्णावर आत्महत्ये प्रकरणी सध्या सर्व माहिती संकलित केली जात आहे, असे पोलीस आयुक्तांनी सांगितले.
सोमवारी खासदार जगदीश शेट्टर यांनी आत्महत्या केलेल्या एसडीसी येडवनावर यांच्या घरी भेट देत त्यांच्या आई पत्नींचे सांत्वन करत जाणून-बजून पोलीस तपास करण्यात दिरंगाई करत असल्याचा आरोप केला.
