बेळगाव लाईव्ह :बेंगलोर-धारवाड-बेळगाव मार्गावरील वंदे भारत एक्स्प्रेसच्या बहुचर्चित चांचणीला एक वर्ष पूर्ण झाले तरीही बेळगावची जनता आजही या रेल्वे सेवेसाठी तळमळत आहे. या गेल्या 21 नोव्हेंबर 2023 रोजी घेण्यात आलेल्या चांचणीने बेंगलोर आणि बेळगाव दरम्यानच्या प्रवासात क्रांती घडवून आणणाऱ्या जलद, आधुनिक कनेक्शनची क्षमता दर्शविली.
रेल्वेने अचूकपणे मार्गक्रमण करून 8 तासांपेक्षा कमी वेळात बेंगलोरहून बेळगाव गाठले. तथापि ही अखंड चांचणी यशस्वी होऊनही या रेल्वेच्या बेळगावपर्यंतच्या विस्ताराचे वचन हवेत विरून गेले आहे.
वंदे भारतच्या बाबतीतील मौन बधिर करणारे असून निष्क्रियता स्पष्ट आहे. या विकासाला खिळ का बसत आहे? आधुनिक कनेक्टिव्हिटीसाठी बेळगावच्या नागरिकांचा आक्रोश बधीर कानावर पडत आहे का? खासदार जगदीश शेट्टर यांच्या “अदृश्य हात” प्रगतीच्या आड येत असल्याच्या प्रतिपादनाने आधीच निराशाजनक स्थितीला एक भयंकर झालंर लागली आहे.
तरीही, कोणीही या रहस्याचा सामना करण्यास किंवा ते उलगडण्यास तयार दिसत नाही. पुणे-हुबळी वंदे भारत याच मार्गावर सुरळीतपणे चालत असताना बेंगलोर-धारवाड वंदे भारतचा बेळगावपर्यंतचा विस्तार अजूनही न समजण्याजोग्या दलदलीत अडकला आहे.
त्यामुळे आम्हीच का? हा प्रश्न बेळगाववासियांना सतावत आहे. पायाभूत सुविधा तयार आहेत, प्रवासाचा वेळ तपासला गेला आहे, त्याचे प्रमाणीकरणही केले गेले आहे आणि मागणी निर्विवाद आहे. तर मग या तार्किक विस्ताराला प्रत्यक्षात येण्यापासून कोणते अदृश्य अडथळे रोखत आहेत?
बेळगावला विकासाच्या बाबतीत दुर्लक्षित राहणे नवीन नाही. फार पूर्वीपासून कर्नाटकच्या अर्थव्यवस्थेत आणि संस्कृतीत महत्त्वपूर्ण योगदान देणारे हे शहर आहे, तरीही विकास प्रकल्पांच्या बाबतीत येथील लोकांना वारंवार डावलले जाते. वंदे भारत रेल्वेची यशस्वी चांचणी केवळ तांत्रिक पराक्रमापेक्षाही अधिक होती, आशेचा किरण होती, दीर्घकाळ उपपार कनेक्टिव्हिटी टिकवून ठेवलेल्या प्रदेशासाठी प्रगतीचे वचन होते.
आता ती आशा निराशेत बदलली आहे, कारण बेळगावकरांच्या हिताची वकिली करण्यासाठी निवडून आलेले लोक त्यांना सोडून गेले आहेत. कृतीचा अभाव केवळ धोरणात्मक अपयशापेक्षा जास्त असून विश्वासघात आहे. बेळगावच्या विकासाची जबाबदारी सोपविण्यात आलेले लोकप्रतिनिधी आश्वासनांचे मूर्त निकालात रूपांतर करण्यात अपयशी ठरले आहेत. बेळगावची जनता सुखसोयी मागत नाही; ते त्यांच्या योग्यतेची मागणी करत आहेत : कार्यक्षम, आधुनिक कनेक्टिव्हिटी जी वाढीस उत्प्रेरित करू शकते आणि त्यांचे जीवन सुलभ करू शकते.
हा मुद्दा रेल्वेच्या पलीकडे असून जो बेळगाव सारख्या प्रदेशाकडे पद्धतशीर दुर्लक्ष दर्शवतो. आधीच यशस्वी रेल्वे सेवेचा विस्तार करण्याइतका सरळ प्रकल्प जेव्हा अनंत विलंबांना सामोरे जातो, तेंव्हा तो चुकीच्या स्थानावरील प्राधान्यक्रम आणि राजकीय इच्छाशक्तीच्या अभावाबद्दल बोलतो. मात्र आता उत्तरे देण्याची वेळ आली असून बेळगावची जनता बहाणेबाजी व पोकळ आश्वासनांना कंटाळली आहे. तिच्याकडून पारदर्शकता, जबाबदारी आणि कारवाईची मागणी केली जात आहे. अधिकाऱ्यांनी मौन सोडून वंदे भारतचा विस्तार का रखडली? याचा खुलासा करावा. जबाबदारी झटकण्याची वेळ संपली असून आता निकाल देण्याची वेळ आली आहे. बेळगाव कर्नाटकच्या आधुनिकीकरण कथेचा भाग होण्यास पात्र आहे. तथापी प्रश्न असा आहे की, सत्तेत असलेले लोक पुढाकार घेऊन योग्य ते करतील की आणखी एक आश्वासन विस्मृतीत जाऊ देतील? बेळगावची सर्व गोष्टींवर नजर असून ते गप्प बसणार नाही.
