बेळगाव लाईव्ह : चिक्कोडी तालुक्यातील चिंचणी गावाजवळ दुचाकी अपघातात संगीत शिक्षकाचा मृत्यू झाल्याची घटना समोर आली आहे. या अपघाताने शिक्षकांच्या कुटुंबासह स्थानिकांना धक्का बसला आहे.
ही घटना चिकोडी तालुक्यातील चिंचणी गावाजवळ घडली असून दर्शन शहा असे मृत शिक्षकाचे नाव आहे. ते केएलई संस्थेच्या सीबीएसई शाळेत संगीत शिक्षक म्हणून कार्यरत होते.
त्यांच्या दुचाकीचे नियंत्रण अचानक सुटल्याने दुचाकी रस्त्याच्या कडेला जाऊन पडली, ज्यामुळे त्यांच्या डोक्याला गंभीर दुखापत झाली.
तातडीने दर्शन शहा यांना चिक्कोडीच्या सार्वजनिक रुग्णालयात दाखल करण्यात आले. मात्र, प्रकृती गंभीर असल्याने पुढील उपचारासाठी त्यांना कोल्हापूरच्या सरकारी रुग्णालयात हलवण्यात आले. दुर्दैवाने, उपचारादरम्यान त्यांचा मृत्यू झाला.
या घटनेची माहिती मिळताच ट्रॅफिक पीएसआय रूपा गूडोदगी यांनी घटनास्थळी भेट देऊन पाहणी केली. या अपघातामुळे परिसरात शोककळा पसरली आहे.
