बेळगाव लाईव्ह : दारूच्या नशेत माणूस काय करतो याचा नेम नसतो म्हणून व्यसन पासून चार हात लांब राहावे सगळेजण सांगत असतात. मात्र व्यसनाच्या आहारी गेलेल्या एकाने चक्क आपल्या स्वतःच्या आईचा खून केला आहे. बेळगाव जिल्ह्यातील बैलहोंगल तालुक्यात ही घटना घडली आहे.
आई आणि मुलगा वात्सल्याच्या नात्याला काळीमा फासणाऱ्या घटनेने संपूर्ण बैलहोंगल तालुका हादरून गेला आहे.
पोलिसांनी दिलेल्या माहिती नुसार दारूच्या नशेत मुलाने आईची हत्या केल्याची घटना बैलहोंगल तालुक्यातील उडीकेरी गावात घडली. महादेवी गुरप्पा तोलगी (७०) असे खून झालेल्या महिलेचे नाव आहे. तिचा मुलगा इराण्णा गुराप्पा तोलगी (वय ३४) याने तिचा दारूच्या नशेत खून केला आहे.
मुलाच्या नावावर शेती करावी तसेच पैशासाठी तो कायम आपल्या आईला त्रास देत होता. दारूच्या नशेत त्याने त्याची आई महादेवी तेलंगी हीचा काठीने वार करून खून केला.
डीवायएसपी रवी नायक, पोलीस उपनिरीक्षक नंदिश, प्रवीण कोटी यांनी घटनास्थळी भेट देऊन आरोपींना अटक केली. दोडवाड पोलीस ठाण्यात तक्रार दाखल करण्यात आली आहे
