बेळगाव लाईव्ह :बेळगाव शहरातील 4.50 कि.मी. लांबीच्या पहिल्या उड्डाणपूलाचा प्रकल्प हा एक महत्त्वाकांक्षी प्रकल्प असून जो राष्ट्रीय महामार्ग-48 (एनएच-48) ते कित्तूर राणी चन्नम्मा सर्कलपर्यंत विस्तारेल आणि डॉ. आंबेडकर रोड, केएलई हॉस्पिटल रोड मार्गे राष्ट्रीय महामार्गाकडे जाणारा आहे. शहरातील वाहतूक कोंडीची वाढती समस्या निकालात काढण्याच्या उद्देशाने उभारण्यात येणाऱ्या या फ्लाय ओव्हर अर्थात उड्डाणपुलासाठी 4500 कोटी रुपयांचा खर्च अपेक्षित आहे.
सदर प्रकल्प बेळगाव जिल्हा पालक मंत्री सतीश जारकीहोळी आमची कल्पना असून या प्रकल्पाला केंद्रीय रस्ते वाहतूक व महामार्ग मंत्री नितीन गडकरी यांची मंजुरी मिळाली आहे. फ्लायओव्हरच्या धोरणात्मक रचनेमुळे शहरातील वाहनांची सुरळीत रहदारी सुनिश्चित होईल. हा फ्लाय ओव्हर विशेषत: अशोक सर्कल आणि संगोळ्ळी रायण्णा सर्कल (आर.टी.ओ.) सारख्या गर्दीच्या चौकावरून कित्तूर राणी चेन्नम्मा सर्कलपर्यंत विस्तारेल आणि आयसीएमआर जवळील राष्ट्रीय महामार्गाशी पुन्हा जोडला जाईल.
सध्या हा प्रकल्प त्याच्या सुरुवातीच्या टप्प्यात आहे. पुढील गंभीर टप्पा म्हणजे तपशीलवार प्रकल्प अहवाल (डिपीआर) तयार करणे हा आहे. डीपीआर प्रकल्पाच्या यशस्वी अंमलबजावणीसाठी आवश्यक तांत्रिक आणि आर्थिक तपशीलांची रूपरेषा दर्शवेल. या प्रक्रियेस साधारणपणे 6 ते 12 महिने लागू शकतात. जे प्रकल्पाची जटिलता आणि मंजुरीची गती यावर अवलंबून आहे. एकदा का डीपीआर निश्चित झाला की निविदा प्रक्रिया सुरू होईल. यामध्ये बांधकामासाठी कंत्राटदारांकडून निविदा मागवल्या जातील. बोलीचे मूल्यांकन, कंत्राटदारांची निवड आणि करारांना अंतिम रूप देणे यासारख्या अनेक टप्प्यांचा समावेश असल्यामुळे निविदा प्रक्रियेला अतिरिक्त 6 ते 9 महिने लागू शकतात.
बेळगाव फ्लाय ओव्हर
बांधकाम टप्पा : डीपीआर पूर्ण झाल्यानंतर आणि कंत्राटे मिळाल्यानंतर उड्डाणपुलाचे प्रत्यक्ष बांधकाम सुरू होऊ शकेल. प्रकल्पाची व्याप्ती आणि प्रमाण पाहता बांधकामासाठी सुमारे 3 ते 4 वर्षे लागतील. इतका कालावधी भूसंपादन, पर्यावरणीय मंजुरी आणि सध्या सुरू असलेल्या शहरी विकास प्रकल्पांशी समन्वय यासारख्या संभाव्य आव्हानांसाठी जबाबदार आहे.
उड्डाणपुलाची प्रमुख वैशिष्ट्ये : प्रमुख जंक्शन्सवर रोटरी -वाहतूक सुरळीत करण्यासाठी अशोका सर्कल आणि कित्तूर राणी चेन्नम्मा सर्कल येथे रोटरी बांधल्या जातील. वाहतूक प्रवाहासाठी तीन रॅम्प -फ्लायओव्हरवरील वाहतूक सुरळीत होण्यासाठी तीन रॅम्प असतील. हे रॅम्प अशोका सर्कल येथील बसस्थानक, आरटीओ आणि महांतेशनगर यांसारख्या महत्त्वाच्या भागांना तसेच इतर महत्त्वाच्या जंक्शनला जोडतील. सांबरा विमानतळापर्यंत सर्व्हिस रोड -प्रस्तावित रोड ओव्हर ब्रिजद्वारे (आरओबी) अतिरिक्त सर्व्हिस रस्ता सांबरा विमानतळावर थेट प्रवेश प्रदान करेल.
अंदाजे काल मर्यादा
डीपीआर तयारी : 6 -12 महिने. निविदा प्रक्रिया : 6 -9 महिने. बांधकाम: 3 -4 वर्षे. एकंदरीत, डीपीआर तयार करण्यापासून ते बांधकाम पूर्ण होण्यापर्यंतचा संपूर्ण प्रकल्प जर यात कोणताही महत्त्वपूर्ण विलंब नसेल अंदाजे 5 ते 6 वर्षांचा असू शकतो. हा ओव्हर ब्रिज अर्थात उड्डाणपूल प्रकल्प बेळगावसाठी सध्याच्या रहदारीच्या आव्हानांना तोंड देणारा आणि भविष्यातील शहरी विकासाचा पाया घालणार एक ‘गेम चेंजर’ ठरणार आहे.
