बेळगाव लाईव्ह :मारुती गल्ली, बेळगाव येथील, सत्कार हॉटेल बाजूच्या कॉम्प्लेक्स मधील बेसमेंट मधील ब्लॅक ब्युटी नावाच्या स्टेशनरी दुकानाला शॉर्टसर्किट मुळेआग लागल्याने मोठे नुकसान झाले आहे.
गत वर्षी याच दुकानाला शॉर्ट सर्किटमुळे आग लागली होती. आता पुन्हा दुसऱ्यांदा आग लागल्याने संबंधित व्यवसायिकांवर आर्थिक संकट कोसळले आहे.
मंगळवारी रात्री 9 च्या सुमारास ही घटना घडली असून आग लागल्यानंतर मारुती गल्लीत एकच गोंधळ उडाला होता.आग लागताच तात्काळ अग्निशामक दलाला पाचारण करण्यात आले.
घटनास्थळी अग्निशामक दलाच्या गाड्या दाखल झाल्या असून आग विझवण्याचे काम सुरू आहे.आगीची घटना घडताच या परिसरातील विद्युत पुरवठा खंडित करण्यात आला. घटनास्थळी नागरिकांनी मोठी गर्दी केली होती.
