बेळगाव लाईव्ह : बेळगाव शहरातील एपीएमसी पोलिसांनी एका अट्टल दुचाकी चोरट्याला गजाआड केले असून त्याच्याकडील सुमारे 3 लाख 35 हजार रुपये किमतीच्या चोरीच्या 13 दुचाकी जप्त केल्या आहेत.
पोलिसांनी अटक केलेल्या दुचाकी चोरट्याचे नाव विठ्ठल सद्याप्पा अरेर (वय 35, रा. मॅगेरी शिगेरी, ता. बैलहोंगल) असे आहे.
त्याच्याकडून जप्त करण्यात आलेल्या दुचाकी केएलई हॉस्पिटल आणि सिविल हॉस्पिटलच्या पार्किंग मधून चोरीला गेलेल्या होत्या.
मोटरसायकलींच्या स्वरूपातील या दुचाकींची किंमत 3 लाख 35 हजार रुपये होते. अटक केलेल्या चोरट्याला न्यायालयासमोर हजर केले असता तेथून त्याची रवानगी हिंडलगा कारागृहात करण्यात आली आहे.
गुन्हे व वाहतूक विभागाच्या पोलीस उपायुक्त पी. व्ही. स्नेहा यांच्या व एसीपी सदाशिव कट्टीमनी यांच्या मार्गदर्शनाखाली एपीएमसी पोलीस ठाण्याचे पोलीस निरीक्षक विश्वनाथ कब्बूर व त्यांच्या सहकाऱ्यांनी उपरोक्त कारवाई केली.
