बेळगाव लाईव्ह :कॅम्प बेळगाव येथील केंद्रीय विद्यालय क्रमांक-2 चा 41 वा वार्षिक क्रीडा दिन आणि शाळेचा स्थापना दिन शुक्रवारी सकाळी 8.30 वाजता विद्यालयाच्या क्रीडांगणात अतिशय भव्य पद्धतीने साजरा करण्यात आला .
मराठा लाईट इन्फट्री कमाडंट के वी 2 चेअध्यक्ष जॉयदीप मुखर्जी हे प्रमुख पाहुणे म्हणून उपस्थित होते. शाळेच्या बँड ग्रुपतर्फे प्रमुख पाहुण्यांना गार्ड ऑफ ऑनर देण्यात आला. मुख्याध्यापक महेंद्र कालरा यांनी उपस्थितांचे स्वागत करून शाळेच्या क्रीडा वार्षिक अहवालाचे सादरीकरण केले.
गंगा, यमुना, कृष्णा आणि कावेरी या ग्रुपमधील ९ वी ते १२ वीच्या विद्यार्थ्यांनी अप्रतिम मार्च पास्ट सादर केला. विभागीय आणि राष्ट्रीय क्रीडापटूं 28 विद्यार्थ्यांनी मशाल घेऊन धाव घेतली. इयत्ता 6, 8 आणि 7 च्या चार थर अनुक्रमे रंगीत पीटी व्यायाम, हुप्स आणि डंबल्सचे व्यायाम केला.
केंद्रीय विद्यालय क्रमांक 2 कॅम्प स्थापना दिनाचा एक भाग म्हणून प्राथमिक आणि माध्यमिक मुलींनी विविध संस्कृतीचे चित्रण करणारे सामूहिक नृत्य सादर केले.
प्राथमिक व माध्यमिकच्या विद्यार्थ्यांनी संगीतासोबत योगा नृत्य सादर केले.
प्रमुख पाहुण्यांच्या हस्ते विभागीय व राष्ट्रीय क्रीडापटूंचा सत्कार करण्यात आला.
