Saturday, July 13, 2024

/

24 रोजी ‘व्हीटीयू’चा 22 वा वार्षिक पदवीदान सोहळा

 belgaum

बेळगाव लाईव्ह :विश्वेश्वरय्या तांत्रिक विद्यापीठाचा (व्हीटीयू) 22 वा वार्षिक पदवीदान सोहळा येत्या शुक्रवार दि. 24 नोव्हेंबर 2023 रोजी सकाळी 11:30 वाजता आयोजित करण्यात आला आहे.

व्हीटीयुच्या ‘ज्ञान संगम’ डॉ. एपीजे अब्दुल कलाम सभागृहामध्ये होणाऱ्या पदवीदान सोहळ्याचे अध्यक्षस्थान कर्नाटकचे राज्यपाल थावरचंद गहलोत हे भूषविणार आहेत. यावेळी प्रमुख पाहुणे म्हणून अखिल भारतीय शिक्षण परिषद नवी दिल्लीचे अध्यक्ष प्रा. बी. जी. सिताराम तसेच राज्याचे उच्च शिक्षण, आयटी व बीटी, इलेक्ट्रॉनिक्स, विज्ञान आणि तंत्रज्ञान, कौशल्य विकास आणि जीवनोपाय खात्याचे मंत्री डॉ. सी. एन. अश्वत नारायण उपस्थित राहणार आहेत. सदर सोहळ्यामध्ये टोयाटोचे माजी उपाध्यक्ष विक्रम किर्लोस्कर, टीव्हीएस ऑटोमेशन सोल्युशन्सचे अध्यक्ष एम. लक्ष्मीनारायण आणि बेळगाव फेरो कॉस्ट इंडिया लिमिटेड व्यवस्थापक संचालक सचिन सबनीस या त्रिमूर्तींना ‘डॉक्टर ऑफ सायन्स’ पदवी प्रदान केली जाणार आहे, असे व्हीटीयूचे कुलपती डॉ एस. विद्याशंकर यांनी कळविले आहे.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.