बेळगाव लाईव्ह :ज्योतीनगर, गणेशपुर येथील एका सफाई कामगाराने आपल्या राहत्या घरी गळफास घेऊन आत्महत्या केल्याची घटना आज शुक्रवारी सकाळी उघडकीस आली आहे.
आत्महत्या करणाऱ्या सफाई कर्मचाऱ्यांचे नाव शशिकांत सुभाष घाभाले (वय 28, रा. ज्योतीनगर गणेशपुर) असे आहे. शशिकांत याने काल रात्री घरातील सर्व मंडळी झोपले असल्याची संधी साधून गळफास घेऊन आत्महत्या केली आणि आज सकाळी हा प्रकार उघडकीस आला.
मयत शशिकांत याच्या पश्चात आई-वडील, पत्नी, चार मुले, विवाहित अंध भाऊ, वहिनी व त्यांची मुले असा परिवार आहे.
आत्महत्येचे निश्चित कारण अद्याप स्पष्ट झालेले नाही. सदर घटनेची कॅम्प पोलीस ठाण्यात नोंद झाली असून अधिक तपास सुरू आहे.
गेल्या दहा ते बारा वर्षांपासून तो सफाई कर्मचारी म्हणून काम करत होता शंकर अष्टेकर या व्यक्तीने केवळ वीस हजार रुपये घेतलेली रक्कम व्याजासह दीड लाखा पर्यंत पोचवली आणि कर्ज वसुलीसाठी तगादा लावला होता मानसिक त्रास दिला होता त्यामुळे त्याने आत्महत्या केली असा आरोप दलित नेते मल्लेश चौगुले आणि नातेवाईकानी केला आहे.संबंधित ठेकेदाराने मयताच्या परिवाराला मदत म्हणून पाच लाख रुपये द्यावी त्याच्या कुटुंबाचा उदर निर्वाह करण्यासाठी मदत म्हणून नुकसान भरपाई द्यावी अशीही मागणी करण्यात आली आहे.
जोवर मयताच्या परिवाराला नुकसान भरपाई दिली जात नाही तोवर मृतदेहाचा अंतिम संस्कार केला जाणार नाही अशी भूमिका घेत कॅम्प येथील पोलीस स्थानका समोर निदर्शने देखील करण्यात आली.
सफाई कर्मचाऱ्याच्या कुटुंबाला नुकसान भरपाईची द्या पोलीस स्थानका समोर निदर्शन
| Belgaum Live – बेळगाव लाईव्ह |https://t.co/F4fVWYIOcn pic.twitter.com/wPyh054llY— Belgaumlive (@belgaumlive) September 1, 2023
