तलावात सापडले दोन मृतदेह

कपिलेश्वर तलावाच्या मागच्या बाजूला असलेल्या तलावामध्ये बुधवारी पहाटे दोन अज्ञात वृद्धांचे मृतदेह सापडले आहेत त्यामुळे बेळगाव शहराच्या मध्यवर्ती भागात एकच खळबळ माजली आहे.

घटनास्थळी खडे पोलीसानी धाव घेतली असून सदर मृतदेह कोणाचे आहेत  त्यांची ओळख पटविण्याचे काम सुरू आहे.

बुधवार पहाटे कपिलेश्वर मंदिराच्या मागील बाजूला असलेल्या तलावामध्ये दररोज मुलं पोहायला जातात त्या पोहणाऱ्या मुलांना दोन मृतदेह पाण्यावरून तरंगत असल्याचे दिसले त्यानंतर याची माहिती पोलिसांना देण्यात आली.

खडे बाजार पोलीस निरीक्षक दिलीप निंबाळकर आणि वरिष्ठ अधिकाऱ्यांनी तलावाला भेट देत माहिती घेतली सदर मृतदेह कुणाचे आहेत त्यांची ओळख पटविण्याचे काम सुरू केले आहे.

पोलिसांनी दिलेल्या माहितीनुसार सापडलेले मृतदेह वृद्ध महिला आणि वृद्ध पुरुष अंदाजे  वय 55 वर्षे 65 वर्षे असून ते शहरातील आहेत की परगावचे याचाही शोध घेतला जात आहे.

मृतदेह पाण्यावर तरंगत असल्याने त्यांनी आत्महत्या केली असावी का ते दांपत्य आहे का? किंवा आणखी कोणता प्रकार आहे याचा उलगडा तपासात होणार आहे.

कपिलेश्वर तलावाच्या मागील बाजूला असलेल्या तलावात सापडले दोन मृतदेह pic.twitter.com/hyFvN3SyZh

— Belgaumlive (@belgaumlive) August 16, 2023