Sunday, July 21, 2024

/

हेस्कॉमतर्फे ‘या’ ठिकाणी इलेक्ट्रिक वाहन चार्जिंग सुविधा

 belgaum

बेळगाव लाईव्ह :हेस्कॉमतर्फे शहरातील इलेक्ट्रिक वाहन धारकांच्या सोयीसाठी बेळगाव रेल्वे स्टेशन आणि नेहरूनगर येथील कार्यालयाच्या ठिकाणी इलेक्ट्रिक वाहनांच्या दोन चार्जिंग स्टेशनची सुविधा उपलब्ध करून देण्यात आली असल्याची माहिती हेस्कॉमचे सहाय्यक कार्यकारी अभियंता विनोद करूर यांनी दिली.

सदर दोन चार्जिंग स्टेशनच्या सुविधेचा फायदा हेस्कॉम कार्यालयात येणाऱ्या इलेक्ट्रिक वाहनधारकांना होणार असून आगामी काळात चार्जिंग स्टेशनची संख्या वाढवणार असल्याचे सहाय्यक कार्यकारी अभियंता करूर यांनी स्पष्ट केले आहे.

हेस्कॉमने रेल्वे स्टेशन व नेहरूनगर येथील कार्यालयात उपलब्ध केलेल्या इलेक्ट्रिक वाहन चार्जिंग सुविधाचा उद्घाटन समारंभ जिल्हा पालकमंत्री सतीश जारकीहोळी यांच्या हस्ते नुकताच उत्साहात पार पडला. सदर चार्जिंग स्टेशनच्या ठिकाणी वाहन चार्जिंग करून घेण्यासाठी वाहन चालकांना ‘क्यूआर कोड’ स्कॅन करावा लागेल. क्यूआर कोड स्कॅनिंग केल्यानंतर चार्जिंग सुरू होणार आहे.Hescom

सदर चार्जिंग स्टेशन्स 24 तास सुरू राहणार असून वाहन चार्जिंगसाठी येथे कोणतेही शुल्क आकारले जाणार नाही हे विशेष होय. त्यामुळे शहरातील इलेक्ट्रिक वाहन धारकांची गैरसोय न होता त्यांना केंव्हाही आपली वाहने मोफत चार्ज करून घेता येणार आहेत.

जास्तीत जास्त इलेक्ट्रिक वाहन चालकांना या सुविधेचा लाभ मिळावा यासाठी भविष्यात हेस्कॉमकडून या पद्धतीची आणखी कांही चार्जिंग स्टेशन्स शहरात विविध ठिकाणी सुरू केली जाणार आहेत.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.