पावसाळा सुरू झाला की ग्रामीण भागातून बाजारामध्ये आळंबीची आवक सुरू होते. दरवर्षी जून महिन्यात उपलब्ध होणाऱ्या आळंबी यंदा पावसाने दडी मारल्यामुळे एक महिना उशिरा बाजारात दाखल झाल्या आहेत. त्यामुळे त्यांच्या दरातही वाढ झाली आहे.
पावसाला सुरुवात झाल्यामुळे सध्या बेळगाव ग्रामीण भागातून शहरातील बाजारात आळंबीचे आगमन होऊ लागले आहे.
समादेवी गल्लीसह, नर्गुंदकर भावे चौक ,शनिवार खुट,कोतवाल गल्ली शहापूर खासबाग मार्केट सह ठिकठिकाणी ग्रामीण भागातील शेतकरी व महिला रस्त्यावर आळंबीची विक्री करताना दिसू लागले आहेत. यावर्षी पावसाने दडी मारल्याने एक महिना उशिरा आळंबी बाजारात आल्यामुळे तिचे दरही वाढले आहेत. 
सध्या आळंबीचे कळे 100 रुपये गुंफा तर प्रति किलो कळ्यांची 1000 रुपये दराने विक्री केली जात आहे. त्याचप्रमाणे फुललेल्या आळंब्या 300 रुपये किलो दरात उपलब्ध आहेत.
नैसर्गिक ताज्या आळंबीचा मोसम अल्पकाळाचा असल्यामुळे आणि पुन्हा वर्षभर ती पाहायला मिळणार नसल्यामुळे सध्या दर महाग असले तरी आळंबी खरेदीसाठी खवय्यांची गर्दी होत आहे.
