बेळगाव लाईव्ह : कर्नाटक सरकारने शक्ती योजना लागू करण्याचे आदेश जारी केले असून या योजनेंतर्गत महिलांना काही अटींनुसार सरकारी बसमधून विनामूल्य प्रवास करता येणार आहे.
राज्य सरकारच्या प्रगतीशील उपक्रम योजनेतील अटीनुसार ११ जूनपासून पुरुषांसाठी ५० टक्के जागांचे आरक्षण समाविष्ट आहे.शक्ती योजनेंतर्गत विद्यार्थ्यांसह सर्व महिलांना आणि तृतीयपंथीयांना एसी आणि लक्झरी बसेसचा अपवाद वगळता विनामूल्य प्रवास करता येणार आहे.
या योजनेतील प्रस्तावात नमूद केलेल्या बाबी लक्षात घेता, राज्याच्या चार परिवहन संस्था बेंगळुरू मेट्रोपॉलिटन ट्रान्सपोर्ट कॉर्पोरेशन (BMTC), कर्नाटक स्टेट रोड ट्रान्सपोर्ट कॉर्पोरेशन (KSRTC), नॉर्थ वेस्ट कर्नाटक रोड ट्रान्सपोर्ट कॉर्पोरेशन (NWKRTC) आणि कल्याण कर्नाटक रोड ट्रान्सपोर्ट कॉर्पोरेशन (KKRTC) या चार विभागातील बसप्रवासात लाभदायक ठरणार आहेत.
हा कार्यक्रम विशेषतः राज्यांतर्गत प्रवासासाठी तयार केला असून यातील सुविधा आंतर-राज्य परिवहन नियमांना लागू होत नाही. तथापि, राजहंस, एसी, वज्र वायुवज्र ऐरावत, ऐरावत क्लब क्लास, ऐरावत गोल्ड क्लास, अंबारी, अंबारी ग्रीन क्लास, अंबारी उत्सव, एफई, बस, आणि ईव्ही पॉवर प्लस (एसी बसेस) या लक्झरी बस या योजनेसाठी लागू नाहीत.
बेंगळुरू मेट्रोपॉलिटन ट्रान्सपोर्ट कॉर्पोरेशन (BMTC) व्यतिरिक्त, उर्वरित KSRTC, NWKRTC आणि ककर्तक या तीन राज्य रस्ते वाहतूक महामंडळांमध्ये 50 टक्के जागा पुरुषांसाठी राखीव असतील.
या योजनेंतर्गत, सरकार चार वाहतूक संस्थांना त्यांच्या तिकीट/शक्ती स्मार्ट कार्ड डेटावर आधारित देय रक्कम कव्हर करेल. महिला प्रवाशांनी प्रवास केलेल्या वास्तविक अंतरावर आधारित रस्ते परिवहन महामंडळाला दिलेली भरपाई दिली जाईल.
सेवा सिंधू सरकार पोर्टलद्वारे महिला शक्ती स्मार्ट कार्डसाठी पुढील तीन महिन्यांत अर्ज करू शकतात. शक्ती स्मार्ट कार्ड जारी होईपर्यंत, लाभार्थी केंद्र किंवा राज्य सरकारने जारी केलेले ओळखपत्र वापरू शकतात.
