बेळगाव शहरातील समर्थनगर येथे छापा टाकून सीसीबी पोलिसांनी आज शनिवारी 1 लाख 20 हजार रुपये किमतीची पन्नी जप्त केली असून याप्रकरणी एकाला अटक करण्यात आली आहे.
संजय परशुराम पाटील (वय 32, रा. समर्थनगर) असे पोलिसांनी अटक केलेल्या आरोपीचे नांव आहे.
सीसीबी पोलीस ठाण्याचे पोलीस निरीक्षक अल्ताफ एम. यांनी आपल्या सहकाऱ्यांसमवेत टाकलेल्या धाडीत संजय पाटील याच्याकडून पांढऱ्या कागदात 300
पुड्यांमध्ये बांधलेली सुमारे 1 लाख 20 हजार रुपये किमतीची 24.00 ग्रॅम पन्नी जप्त करण्यात आली आहे. याप्रकरणी सीसीबी पोलीस ठाण्यात गुन्हा नोंद झाला असून अधिक तपास सुरू आहे.
