व्यापार क्षेत्रात प्रगतीपथावर असलेल्या घोडावत उद्योग समूहातर्फे बेळगाव धारवाड आणि हुबळी येथे स्टार लोकल मार्ट स्टोअर तसेच अन्य आऊटलेटच्या माध्यमातून घोडावत कन्झ्युमर लिमिटेडची (जीसीएल) उत्पादने येत्या शनिवार 11 मार्चपासून उपलब्ध होणार असून सदाशिवनगर बेळगाव येथील स्टार लोकल मार्ट स्टोअरमध्ये जीसीएल उत्पादनांची सर्वाधिक खरेदी करणाऱ्या पहिल्या 50 ग्राहकांना एक वर्षभर सनफ्लॉवर ऑइल या खाद्य तेलाचा पुरवठा मोफत केला जाणार असल्याची माहिती जीसीएलच्या सीओओ सलोनी घोडावत यांनी दिली.
शहरात आयोजित पत्रकार परिषदेमध्ये त्या बोलत होत्या. सीओओ सलोनी घोडावत यांनी दिलेल्या माहितीनुसार जीसीएल हा संजय घोडावत ग्रुप (एसजीजी) या भारतीय बहुराष्ट्रीय कंपनीचा एफएमसीजी उद्योग आहे. गेल्या 2013 मध्ये स्थापन झालेल्या या उद्योगाने आपली अशी विश्वासाहर्ता निर्माण केली असून लाखो लोकांच्या मनात आपले स्थान निर्माण केले आहे.
बेळगाव, धारवाड आणि हुबळी येथील किराणा दुकाने, समकालीन वाणिज्य स्टोअर आणि इतर दुकानांद्वारे आपली उत्पादने उपलब्ध करून बाजारपेठेत आपला ग्राहक वर्ग वाढविण्याचा जेसीएलचा प्रयत्न आहे. जीसीएलने उत्पादनातील सातत्य, नाविन्यपूर्णता, परवडणारे दर आणि दर्जा या गोष्टींवर भर देऊन स्वतःची एक वेगळी ओळख निर्माण करण्यास सुरुवात केली आहे. मूल्यधारीत पद्धतीने जीसीएलला आर्थिक वर्ष 2022 मध्ये 14 हजार कोटी रुपयांचा विक्रमी व्यवसाय करणे शक्य झाले आहे. आर्थिक वर्ष 2023 मध्ये 18 हजार कोटींचा व्यवसाय करणे हे जीसीएलचे लक्ष्य आहे. जीसीएलचा स्टार ब्रँड आटा, खाद्यतेलं, डाळी, तांदूळ, मीठ, स्नॅक्स, विविध प्रकारचे नमकीन आणि टूबीऑनेस्ट हे रियल फ्रूट तसेच भाज्यांचे क्रंचीज सध्या पश्चिम आशिया आणि भारतात घराघरात पोहोचले आहेत. फिजिंगा कार्बोनेट पेये, ब्लू स्टार फळांची पेये, रायडर एनर्जी ड्रिंक आदी जीसीएलची शीतपेयांच्या क्षेत्रातील कांही सर्वाधिक लोकप्रिय उत्पादने आहेत.
ग्राहकांना जीसीएल उत्पादने यापूर्वी स्टार लोकल मार्ट या रिटेल साखळीच्या माध्यमातून खरेदी करता येत असत मात्र आता आमचे वितरक आणि एसजीजीच्या कार्यक्षम विक्री गटाच्या माध्यमातून उत्पादनांची वाढती मागणी लक्षात घेऊन ग्राहकांना जवळच्या किराणा दुकान मॉल आणि अन्य आऊटलेट्समध्ये जीसीएलची उत्पादने उपलब्ध करून देण्यात आली आहेत असे सांगून येत्या 11 मार्चपासून सदाशिवनगर बेळगाव तसेच अन्य ठिकाणच्या स्टार लोकल मार्ट स्टोअरमध्ये जीसीएल उत्पादनांची सर्वाधिक खरेदी करणाऱ्या पहिल्या 50 ग्राहकांना एक वर्षभर सनफ्लॉवर ऑइल या खाद्य तेलाचा पुरवठा मोफत केला जाणार असल्याची माहिती जीसीएलच्या मुख्य कार्यान्वयन अधिकारी (सीओओ) सलोनी घोडावत यांनी दिली.
जेसीएलचे व्यवस्थापकीय संचालक श्रेणिक घोडावत यांनी ग्राहकांच्या गरजा समजून घेऊन आम्ही जास्तीत जास्त ग्राहकांपर्यंत पोहोचण्यांच्या हेतूने बेळगाव, हुबळी आणि धारवाड या प्रदेशांमध्ये स्टार स्टेपल्स आणले असून त्यात मुख्यत्वे तांदूळ, आटा आणि तेलं या उत्पादनांचा समावेश आहे. आम्ही स्वतःला या प्रदेशांमध्ये विविध माध्यमातून प्रस्थापित केले आहे.
आमच्या ग्राहकांना दिलेल्या वचनांचे पालन करून त्यांच्या अपेक्षा पूर्ण करण्यासाठी आम्ही प्रयत्नशील आहोत असे सांगितले. तसेच त्यांनी जीसीएलच्या व्यावसायिक धोरणाबाबत माहिती दिली. पत्रकार परिषदेस संचालक राजेश घोडावत, तेल विभाग प्रमुख मोहिनी पिंजारी, सीएचआरओ चेतन देशपांडे, विक्री प्रमुख विपिन पुरोहित, सदाशिवनगर स्टार लोकल मार्ट स्टोअरच्या व्यवस्थापिका सोनिया रॉड्रिग्ज आदी उपस्थित होते.
