बेळगाव शहरात वाहतूक नियम भंगाचा दंड भरण्याची डोकेदुखी आता बंद झाली असून नागरिकांना हा दंड आता ऑनलाईन तसेच कर्नाटक वन वेबसाईटच्या माध्यमातून भरता येणार आहे.
रहदारी नियम भंगासंदर्भातील मोठ्या संख्येने प्रलंबित असलेले गुन्हे निकालात काढण्यासाठी एक उदार प्रयत्न करताना कर्नाटक परिवहन खात्याने प्रलंबित चलनांच्या दंड वसुलीत 50 टक्के सूट देण्याची ‘वन टाईम ऑफर’ जाहीर केली असून वाहतूक नियम भंग करणारे जे लोक 11 फेब्रुवारीपर्यंत दंड भरतील त्यांनाच ही ऑफर लागू असणार आहे.
पोलीस ठाण्यात न जाता दंड भरता येणार असल्यामुळे ज्यांना या ऑफरचा लाभ घ्यावयाचा आहे ते कर्नाटक वन वेबसाईटला भेट देऊन किती दंड भरायचा हे तपासून ऑनलाइन दंड भरू शकतात. ऑनलाईन दंड भरण्याची प्रक्रिया पुढीलप्रमाणे आहे.
प्रथम https://www.karnatakaone.gov.in/PortalHome/ServiceList या ठिकाणी जाऊन ट्रॅफिक पोलीस व्हायोलेशन फाईन वर क्लिक करावे. त्यानंतर आपला व्हेईकल रजिस्ट्रेशन नंबर एंटर करून आय एम नॉट अ रोबोट या बॉक्सवर क्लिक करावे.
त्यानंतर सर्च बटन दाबून स्क्रोल करण्याद्वारे संबंधित नंबर समोर कोणत्या रहदारी नियमाचे उल्लंघन झाले ते नमूद केलेले पहावयास मिळेल. ते पाहून इच्छा असल्यास आपण दंड भरावा. याखेरीज वाहनचालक अथवा मालक शहरातील बेळगाव वन सेंटरला भेट देऊन आपला दंड भरू शकतात.
How to pay Traffic Police violation fees online in Belgaum
Go to –
https://www.karnatakaone.gov.in/Home/GuestTrafficFine?param=WFpiaFVQai92NDhkL1BEbDFuclhhQT09
Enter the Vehicle Registration Number –
Press Search
Scroll down and you can see all the traffic violations mentioned against the said number.
If you wish to pay – go ahead and make the payment. ₹ 10 service charge is charged
