आगामी बेळगाव हिवाळी अधिवेशन काळात आपण बिम्स हॉस्पिटल आवारात नव्याने बांधलेल्या मल्टी स्पेशालिटी हॉस्पिटलचे उद्घाटन करावे अशी विनंती आपण मुख्यमंत्री बसवराज बोम्माई यांना केली असून त्यांनी ती मान्य केली आहे, अशी माहिती बेळगाव उत्तरचे आमदार ॲड. अनिल बेनके यांनी दिली.
आमदार ॲड. अनिल बेनके यांनी आज शुक्रवारी प्रसार माध्यमांना दिलेल्या माहितीमध्ये बिम्सच्या आवारात नव्याने बांधण्यात येणाऱ्या माता व बाल रुग्णालय व ट्रॉमा सेंटरचा पायाभरणी समारंभ तसेच
जुने नर्सिंग महाविद्यालय व वसतिगृहाच्या पुनर्बांधणीसाठी आर्थिक मदतीची विनंती केली असता, माझ्या सर्व मागण्यांना माननीय मुख्यमंत्र्यांनी प्रतिसाद दिला असल्याचे स्पष्ट केले आहे.
येत्या अधिवेशन काळात संबंधित मल्टी स्पेशालिटी हॉस्पिटलसह सर्व विकास कामांच्या उद्घाटन व पायाभरणी समारंभास उपस्थित राहण्याचे मुख्यमंत्र्यांनी मान्य केले असल्याचे आमदार ॲड. बेनके यांनी सांगितले आहे.
