ट्रक अपघातामुळे शहरानजीकच्या वंटमुरी घाटामध्ये एका बाजूच्या मार्गावर वाहतुकीची प्रचंड कोंडी झाल्याचे चित्र आज शुक्रवारी सायंकाळी 4:45 वाजण्याच्या सुमारास पहावयास मिळाले.
वंटमुरी घाटात आज शुक्रवारी एका ट्रकला अपघात झाला. या अपघाताबरोबरच रस्त्याची विकास कामे सुरू असल्यामुळे सायंकाळी 4:45 वाजण्याच्या सुमारास घाटातील एका बाजूच्या रस्त्यावरील वाहतूक पूर्णपणे ठप्प झाली होती.
परिणामी या रस्त्यावर कारगाड्या, बसेस, मालवाहू ट्रक, लॉऱ्या, कंटेनर, टँकर, मालवाहू टेम्पो, उसानी भरलेले ट्रक आदी वाहनांची एकच गर्दी झाली होती.
ही वाहतूक कोंडी इतकी मोठी होती की जवळपास 2 -3 कि. मी. लांब वाहनांच्या रांगा लागल्या होत्या.
