बेळगाव लाईव्ह : बेळगाव विमानतळावरून अनेक ठिकाणी विमानसेवा सुरु करण्यात आली आहे. बेळगावहून जवळपास १५ शहरांसाठी विमानसेवा सुरु करण्यात आली असून यामध्ये बेंगळुरू, दिल्ली, मुंबई, हैद्राबाद, अहमदाबाद, सुरत, पुणे, जोधपूर, नाशिक, इंदोर, तिरुपती, दिल्ली अशा अनेक ठिकाणांचा समावेश आहे.
बेळगाव विमानतळावरून प्रवाशांना देण्यात येणाऱ्या सोयीसुविधांमुळे बेळगावच्या विमानतळाची प्रगतीही वाढली आहे. असंख्य उड्डाणे भरणाऱ्या बेळगाव विमानतळावरून दिल्लीसाठी विमानसेवा सुरु आहे. ७ दिवस सातत्याने दिल्लीसाठी बेळगावहून विमानसेवा पुरविली जाते. मात्र सध्या हि सेवा काही तांत्रिक कारणामुळे ३ दिवस करण्यात आल्याची माहिती उपलब्ध झाली आहे.
बेळगाव विमानतळावरून ‘s स्पाइस जेट’ या कंपनीने दिल्लीसाठी विमानसेवा सुरु केली आहे. मात्र काही तांत्रिक कारणांमुळे सदर सेवा ७ दिवसांवरून ३ दिवसांवर करण्यात आली आहे. बेळगावहून दिल्लीला जाणाऱ्या प्रवाशांची संख्याही सर्वाधिक आहे. मात्र सध्या विमान फेऱ्यांची संख्या कमी करण्यात आल्याने प्रवाशांची गैरसोय होत आहे.
बेळगावहून दिल्लीला दररोज सरासरी जवळपास १६० हुन अधिक प्रवासी सातत्याने प्रवास करत असतात. तांत्रिक अडचणींमुळे कमी करण्यात आलेल्या विमानांची संख्या डिसेम्बर महिन्यात पूर्ववत करण्यात येईल, अशी माहिती सूत्रांकडून उपलब्ध झाली आहे.
स्पाइस जेट सह विविध कंपन्यांकडून पुरविल्या जाणाऱ्या बेळगावच्या विमानसेवेमुळे त्याचप्रमाणे किफायतशीर दरामध्ये विमानसेवा उपलब्ध असल्याने अनेक प्रवासी विमान प्रवासाकडे वळले आहेत.
अलीकडे बेळगावच्या विमानतळाचा विकासही वेगवान करण्यात आला असून येथील सेवेमुळे अनेक प्रवाशांची सोयदेखील उत्तम पद्धतीने होत आहे. विमानसेवेची सवय लागलेल्या प्रवाशांना आता विमानफेऱ्या कमी केल्याने फरक पडलेला दिसून येत असून दिल्लीच्या कमी झालेल्या विमानफेऱ्यांमुळे हि बाब निदर्शनात आली आहे. मात्र लवकरच हि सेवा पूर्ववत आठवड्यातील सातही दिवस सुरु होणार आहे, अशी माहिती सूत्रांनी दिली आहे.
