बेळगाव शहर पोलीस आयुक्तालयांतर्गत असलेल्या सुळेभावी गावात गुरुवारी रात्री नऊ वाजण्याच्या सुमारास दोन तरुणांची कोयत्याने वार करून हत्या करण्यात आली.
सुळेभावी गावातील छत्रपती शिवाजी महाराजांच्या पुतळ्याजवळ दोन गटात हाणामारी झाली असून पूर्व वैमनस्यातून हाणामारी होऊन दोन तरुणांचा मृत्यू झाल्याची माहिती उपलब्ध झाली आहे.
महेश रामचंद्र मुरारी (25), प्रकाश निंगाप्पा उपरी पाटील (22, रा. सुळेभावी) अशी खून झालेल्या युवकांची नावे आहेत. शहरातील वरिष्ठ पोलिस अधिकाऱ्यांनी सुळेभावी गावात धाव घेतली आहे.
सध्या सुळेभावी गावात परिस्थिती तणावपूर्ण असून डी सी पी रवींद्र गडादी आणि मारिहाळ पोलीस निरीक्षक बस्सापुरे, घटनास्थळी दाखल झाले आहेत या खुनाचे नेमके कारण अध्याप कळू शकले नाही
कोयत्याने वार करून खून करण्यात आला असून हल्लेखोरांची नेमकी माहिती उपलब्ध नसून जुन्या वादातून हा प्रकार झाल्याची असल्याची शक्यता व्यक्त होत आहे. मारिहाळ पोलीस या प्रकरणाचा तपास करत आहेत.
