बेळगावच्या कॅथोलिक धर्म प्रांताचे प्रमुख बिशप डेरेक फर्नांडिस यांनी समस्त बेळगाव शहरवासीयांना दीपावली सणाच्या हार्दिक शुभेच्छा दिल्या आहेत.
बेळगावच्या कॅथोलिक धर्म प्रांताचे प्रमुख बिशप डेरेक फर्नांडिस यांनी एका संदेशाद्वारे शहरवासीयांना दिवाळीच्या शुभेच्छा दिल्या आहेत. तेजाचा उत्सव असलेल्या दिवाळीच्या प्रकाशाने आपल्या जीवनातील अंध:कार दूर होऊन वाईटाचा नायनाट होवो.
दिवाळीच्या प्रकाशाने द्वेष दूर होऊन त्याची जागा प्रेमाने भरावी. ज्या ठिकाणी अविश्वास आहे तेथे विश्वास निर्माण होऊ दे. तसेच जेथे शंका असेल तिथे सत्य असावे. या पद्धतीने सर्वांनी बंधू-भगिनीप्रमाणे राहावे.
चला सर्वांनी संघटितपणे मनुष्य जातीच्या कल्याणासाठी त्याच्या प्रेम, आनंद, सुख -शांतीसाठी झटूया. खास करून भगवंताची भेट असलेल्या निसर्गाच्या संवर्धनासाठी कार्य करूया, अशा आशयाचा तपशील बिशप फर्नांडिस यांच्या संदेशात नमूद आहे.
