गणेश विसर्जन काळात बेळगाव जिल्ह्यातील दोन विविध ठिकाणी दोघांचा मृत्यू झाला आहे.एक युवक नाल्यात वाहून गेला आहे त्याचे शव मिळाले आहे तर एकाचा भोसकून खून कऱण्यात आला आहे.
बेळगाव जिल्ह्यातील यरगट्टी तालुक्यातील मुगळीहाळ गावात चाकूने भोसकून एकाचा खून केल्याची घटना उघडकीस आली आहे घटना घडल्याच्या केवळ दोन तासांतच आरोपीना पोलिसांनी जेरबंद केलं.मुगळीहाळ येथील अर्जुन गौडा पाटील वय 20असे चाकूने भोसकून खून झालेल्या युवकाचे नाव आहे.
या खुन प्रकरणी एका अल्पवयीन मुलांसह चौघांना मुरगोड पोलिसांनी अटक केली आहे.उदय भंडरोळी वय 21,सुभाष सोलन्नवर वय 21,विठ्ठल मिशी वय 21 अशी अटक झालेल्यांची नाव आहेत.अटक झालेले सर्वजण कॉलेजचे विद्यार्थी असून पूर्व वैमनस्यातून ही घटना झाली असल्याची माहिती समोर आली आहे.
गणेश विसर्जनाच्या सुरू झालेले भांडण खुनाचा घटनेत परावृत्त झाले आहे. छातीत चाकूने वार करून फरारी झालेल्या आरोपींना केवळ दोनच तासांत पोलिसांनी अटक केली आहे.
युवक बुडाला
नाल्याच्या बाजूला थांबलेला युवक वाहून गेला होता त्याचे शव मिळाले आहे.गोकाक तालुक्यातील कोळवी गावात ही घटना घडली आहे.दंडप्पा बसप्पा मालदिनी वय 25 असे या घटनेत मयत झालेल्या युवकाचे नाव आहे.
नाल्यात वाहून गेलेल्या युवकाचा शोध सुरू होता अग्निशामक दल आणि पोलिसांनी वाहून गेलेल्या युवकाचा मृतदेह शोधला आहे.बेनचीनमर्डी आणि कोळवी गावाच्या मधोमध नाल्यात मृतदेह सापडला आहे.गोकाक ग्रामीण पोलिसांत ही घटना घडली आहे.
