श्री गणेशोत्सवानिमित्त झेंडा चौक मार्केट सार्वजनिक गणेशोत्सव मंडळातर्फे आयोजित 6 व्या रावसाहेब गोगटे स्मृती चषक टॉप टेन करेला स्पर्धेचे विजेतेपद प्रथम क्रमांकासह कोरे गल्लीच्या गजानन रमेश गावडोजी याने पटकाविले.
भाग्यनगर, टिळकवाडी येथील रामनाथ मंगल कार्यालय येथे काल शुक्रवारी पार पडलेल्या या करेला स्पर्धेचे उद्घाटन प्रमुख पाहुणे सुहास शिरोडकर, बसवराज अरळीमट्टी, राजू नलवडे, सुनील राऊत, एम. के. गुरव गंगाधर एम. आदी मान्यवरांच्या हस्ते हनुमान मूर्तीचे पूजन व दीप प्रज्वलनाने करण्यात आले. सदर स्पर्धेत 50 हून अधिक करेलापटुंनी भाग घेतला होता.
स्पर्धेच्या बक्षीस वितरण समारंभास प्रमुख पाहुणे म्हणून सुहास शिरोडकर, सुनील जाधव, जे. नीलकंठ, उमा महेश, अजित सिद्दण्णावर, अर्जुनसिंग रजपूत, श्याम बकुलकर, प्रवीण पाटील, हेमंत हावळ, गिरीश धोंगडी, विजय जाधव, स्वाती गेंजी, स्नेहल बिर्जे, चेतन अक्कोळ, सुनील मुरकुटे, बसवराज विभूती आदी मान्यवर उपस्थित होते. या मान्यवरांच्या हस्ते स्पर्धेतील टॉप टेन विजेत्यांना पदके, प्रमाणपत्रे व रोख रक्कम देऊन गौरविण्यात आले.
स्पर्धेतील पहिल्या दहा क्रमांकाचे विजेते अनुक्रमे पुढील प्रमाणे आहेत. गजानन रमेश गावडोजी (269 करेला), सागर गंगाराम मोरे (261 करेला), यशवंत भाऊ सुतार (260 करेला), सुमित संपत कामुले (259 करेला), जोतिबा रघुनाथ बाचीकर (257 करेला), मंजुनाथ गोपाळ सांबरेकर (255 करेला), गणेश गुंडू जांगळे (255 करेला), प्रमोद हनुमंत पाटील (180 करेला), शिवाजी गावडोजी (154 करेला) आणि मदन पांडुरंग शिंदे (125 करेला).
सदर स्पर्धेसाठी पंच म्हणून हेमंत हवळ राजू नलावडे व बसवराज अरळीमट्टी यांनी काम पाहिले. ही स्पर्धा यशस्वी करण्यासाठी मध्यवर्तीय सार्वजनिक गणेशोत्सव मंडळ झेंडा चौक मार्केटच्या पदाधिकारी व कार्यकर्त्यांनी विशेष परिश्रम घेतले.
