बिबट्याने दहशत माजवल्यामुळे रेस कोर्स परिसरातील त्या 22 शाळांना सुट्टी देण्यात आली होती.मात्र अखेर दि.16 ऑगस्ट पासून बिबट्या सापडेल तेव्हा सापडेल शाळा मात्र सुरू करण्यात आल्या आहेत.
यामुळे शाळेला ये जा करत असताना विद्यार्थी पालक तसेच शिक्षकांनी खबरदारी घेणे गरजेचे बनले आहे. दहा दिवसाचा कालावधी निघून गेला तरी बिबट्या सापडला नसून परिणामी मागील आठवड्याभरापासून बंद असणाऱ्या शाळा आज मंगळवार पासून सुरू झाल्या आहेत.
बिबट्याने जाधव नगर परिसरात प्रथम हल्ला केल्याचे निदर्शनास आले होते. यानंतर रेस कोर्स परिरात बिबट्याचा वावर असल्याचे समजतात बिबट्याच्या शोध मोहिमेसाठी वनखाते मागावर होते.मात्र दहा दिवसाचा कालावधी उलटून देखील बिबट्या चा शोध लागला नसल्याने वनखाते अपयशी ठरले आहे. विद्यार्थ्यांच्या सुरक्षिततेच्या दृष्टीने रेस कोर्स परिसरात असलेल्या 22 शाळा आठवड्याभरापासून सुट्टी देण्यात आली होती.अखेर बिबट्याचा अजूनही पत्ता लागला नसल्याने शिक्षणाधिकाऱ्यांच्या आदेशानुसार शाळा सुरू करण्यात आल्या आहेत.
कोरोनामुळे अनेक दिवस शाळा बंद होत्या परिणामी या शैक्षणिक वर्षात कोणत्याही प्रकारे विद्यार्थ्यांचे शैक्षणिक नुकसान होऊ नये मव शाळा सुरळीत चालू राहाव्यात अशी अपेक्षा शिक्षक तसेच पालकांमधून व्यक्त होत होती.मात्र पावसाबरोबरच बिबट्याची दहशत निर्माण झाल्याने त्या 22 शाळांना सुट्टी देण्यात आली होती.
ऑगस्ट अखेर येथे परीक्षा असल्यामुळे सदर परीक्षेचा अभ्यासक्रम पूर्ण करण्याबरोबरच परीक्षेची तयारी करून घेण्यासाठी शिक्षक व विद्यार्थ्यांची लगबग सुरू आहे गणेशोत्सवाच्या पूर्वी सदर परीक्षा होणार असल्यामुळे आता शिक्षकांकडून पूर्वतयारी करून घेतली जात आहे परिणामी आठ दिवस झालेले विद्यार्थ्यांचे नुकसान भरून काढत परीक्षेसाठी सदर शाळांना तयारी करावी लागणार आहे.
