बेळगाव जिल्ह्याच्या नूतन जिल्हा पोलीस अधीक्षकपदी (एसपी) डाॅ. संजीव पाटील यांचे नियुक्ती झाली असून आज सोमवारी त्यांनी मावळते जिल्हा पोलीस अधीक्षक लक्ष्मण निंबरगी यांच्याकडून अधिकार पदाची सूत्रे स्वीकारला.
राज्य सरकारने चार दिवसांपूर्वी डॉ संजीव पाटील यांची बेळगाव जिल्हा पोलीस अधीक्षकपदी नियुक्ती झाल्याचा आदेश बजावला होता.
त्या आदेशानुसार आज त्यांनी पदभार स्वीकारला. मावळते जिल्हा पोलीस अधीक्षक लक्ष्मण निंबरगी यांनी पुष्पगुच्छ देऊन डाॅ. पाटील यांचे स्वागत करून आपल्याकडील सूत्रे त्यांच्याकडे सुपूर्द केली. एसपी डॉ. संजीव पाटील यांनी यापूर्वी बेंगलोर पश्चिम विभागाचे डीसीपी म्हणून काम पाहिले आहे.
त्यांच्या जागी आता लक्ष्मण निंबरगी यांची बदली करण्यात आली असून ते उद्या बेंगलोर पश्चिम विभागाचे डीसीपी म्हणून सूत्रे स्वीकारणार असल्याचे समजते.
