बेळगावचा आघाडीचा रोलर स्केटिंगपटू अभिषेक नवले या रोलर स्केटिंग फेडरेशन ऑफ इंडिया आणि आंध्र युनिव्हर्सिटी विशाखापट्टणम आयोजित ऑल इंडिया इंटर युनिव्हर्सिटी रोलर स्पोर्ट्स स्केटिंग चॅम्पियनशिप -2022 मध्ये उल्लेखनीय कामगिरी नोंदवत सुवर्णपदक पटकाविले आहे.
आंध्रप्रदेशातील हुडा पार्क विशाखापट्टनम येथे आंतर विद्यापीठ रोलर स्पोर्ट्स गेम्स चॅम्पियनशिप 2022 नुकतीच यशस्वीरित्या पार पडली. या चॅम्पियनशिप स्पर्धेतील फ्री स्टाईल स्पीड स्लालम जलतरण प्रकारात बेळगावचा आघाडीचा रोलर स्केटिंग पटू अभिषेक नवले याने सुवर्णपदक हस्तगत केले आहे.
हुडा पार्क विशाखापट्टणम एपी येथे 30 जून ते 3 जुलै 2022 रोजी आयोजित या चॅम्पियनशिपमध्ये जवळपास 600 स्केटर्सनी भाग घेतला होता. अभिषेक गेल्या 16 वर्षांपासून महात्मा गांधी आर्ट्स अँड कॉमर्स कॉलेज नंदगड येथे अभ्यास करत असून तो आंतरराष्ट्रीय स्केटर आणि दोन वेळचा गिनीज वर्ल्ड रेकॉर्ड होल्डर आहे.
अभिषेकचे वडील संजय नवले हे एनडब्ल्यूकेएसआरटीसी बस कंडक्टर असून आई सुजाता नवले गृहिणी आहे. केएलई सोसायटीचे स्केटिंग रिंक, रोटरी कॉर्पोरेशन स्पोर्ट्स अकादमी स्केटिंग रिंक आणि गुड शेफर्ड सेंट्रल स्कूल इंटरनॅशनल स्केटिंग ट्रॅक या ठिकाणी अभिषेक स्केटिंगचा सराव करतो.
त्याला बेळगाव जिल्हा रोलर स्केटिंग असोसिएशनचे अध्यक्ष उमेश कलघटगी, प्रसाद तेंडुलकर, शारीरिक प्रशिक्षक जगदीश गस्ती, मुख्याध्यापक जगदीश एस जोडांगी, एस व्ही पाटील, पीई शिक्षक के व्ही पाटील, सी. एस. बीडनाळ, स्केटिंग प्रशिक्षक सूर्यकांत हिंडलगेकर, योगेश कुलकर्णी, मंजुनाथ मंडोळकर, विठ्ठल गगणे आणि सक्षम जाधव यांचे मार्गदर्शन व प्रोत्साहन लाभत आहे.
