रमेश जारकीहोळी पुन्हा होतील मंत्री : कटील

गोकाकचे आमदार रमेश जारकीहोळी पुन्हा मंत्री होतील असे भाजपचे राज्य प्रदेशाध्यक्ष नलीनकुमार कटील यांनी सांगितले.

गोकाक येथे आज मंगळवारी ते पत्रकारांशी बोलत होते. आमदार रमेश जारकीहोळी यांना पुन्हा मंत्री करण्याबाबत पक्षांमध्ये तसेच सरकार पातळीवर चर्चा सुरू आहे.

निवडणुकांसह विविध कारणास्तव मंत्री पद मिळण्यास विलंब झालेल्या रमेश जारकीहोळी यांना पक्षांतर्गत कोणताही विरोध नाही. सर्वांचा त्याला पाठिंबा आहे असेही नळीनकुमार कटील यांनी स्पष्ट केले आहे.

राज्य मंत्रिमंडळाचा विस्तार गेले कित्येक महिन्यांपासून प्रलंबित आहे त्याला मुहुर्त कधी येणार याकडे लक्ष लागले असताना प्रदेश भाजप अध्यक्ष यांनी रमेश जारकीहोळी यांच्या बाजूने मत प्रदर्शित करत त्यांना एक प्रकारे दिलासा दिला आहे.

रमेश जारकीहोळी यांना मंत्रीपद मिळू नये यासाठी बेळगाव जिल्ह्यातील आमदारांनी मागील काही महिन्यापूर्वी लॉबिंग केली होती मात्र थेट  भाजप प्रदेशाध्यक्षांनी रमेश  जारकीहोळी यांना मंत्रिपद मिळणार असं म्हटल्यामुळे राजकीय वर्तुळात पुन्हा चर्चाना उधान आले आहे.