बेळगाव शहापूर येथील सरस्वती गर्ल्स हायस्कूल शाळेची विद्यार्थिनी वैष्णवी अरविंद शिंदे हिने यंदाच्या दहावीच्या परीक्षेत विशेष गुणवत्तेत उत्तीर्ण होण्याद्वारे अभिनंदनीय यश मिळविले आहे.
सरस्वती गर्ल्स हायस्कूलच्या कन्नड माध्यमाची विद्यार्थिनी असणाऱ्या वैष्णवी शिंदे हिची घरची परिस्थिती बेताची आहे. तिचे वडील अरविंद शिंदे हे एका केबल ऑपरेटरकडे कामाला आहेत. तथापि मिळणार्‍या जेमतेम पगारात कुटुंबाचा चरितार्थ चालविणे बरोबरच त्यांनी आपल्या तीनही मुलींच्या शिक्षणाकडे विशेष लक्ष दिले आहे.
वैष्णवी ही अरविंद शिंदे यांची मोठी मुलगी असून ती प्रारंभापासूनच शाळेत हुशार विद्यार्थिनी म्हणून ओळखली जाते. घरची परिस्थिती बेताची असताना देखील दहावीच्या परीक्षेत तिने 96.16 टक्के 625 पैकी 601 गुण संपादन केले आहेत. या पद्धतीने विशेष गुणवत्तेत उत्तीर्ण झाल्यामुळे तिचे सर्वत्र अभिनंदन होत आहे.
वैष्णवी शिंदे हिने आपल्या यशाचे श्रेय आई-वडिलांसह शाळेतील शिक्षकांना दिले आहे.
